സ്കൂളിന്റെ മാനം രക്ഷിക്കാന് അധികൃതര് ആറാം ക്ലാസ്സുകാരിയോട് ചെയ്തത്
സ്കൂളിന്റെ മാനം കാക്കാന് സ്കൂള് അധികൃതര് നടത്തിയ സാഹസം അല്പം കടന്നു പോയി. ഗര്ഭിണിയായ ആറാം ക്ലാസ്സുകാരിക്ക് സ്കൂളധികൃതര് ഗര്ഭഛിദ്ര ഗുളിക നല്കി. തുടര്ന്ന് പെണ്കുട്ടിയെ അതീവ ഗുരുതരാവസ്ഥയില് ആശുപത്രിയില് പ്രവേശിപ്പിച്ചു. ജാര്ഖണ്ഡിലെ ഗാര്വാ ജില്ലയിലാണ് സംഭവം. കസ്തൂര്ഭ ഗാന്ധി ബാലിക വിദ്യാലയത്തിലെ ആറാം ക്ലാസ്സുകാരിക്കാണ് സ്കൂളധികൃതര് ഗര്ഭഛിദ്ര ഗുളിക നല്കിയത്. സ്കൂളിന്റെ സത്കീര്ത്തിക്ക് ഭംഗം വരുമെന്ന ഭയമാണ് അധികൃതരെ ഇത്തരത്തില് ഒരു സാഹസത്തിന് പ്രേരിപ്പിച്ചത്.
ഗര്ഭഛിദ്രം നടത്തുമ്ബോള് 2 മാസം ഗര്ഭിണിയാണ് പെണ്കുട്ടി. അമിതമായ രക്തസ്രാവത്തെ തുടര്ന്ന് പെണ്കുട്ടിക്ക് രക്തം കയറ്റേണ്ടി വന്നു.
പെണ്കുട്ടി അപകടനില തരണംചെയ്തു വരുന്നതായി ഡോക്ടര്മാര് അറിയിച്ചു.എന്നാല് ഇത് എങ്ങനെ സംഭവിച്ചുവെന്നതിന് യാതൊരു തെളിവുമില്ല. സംഭവം നടന്ന് രണ്ട് ദിവസത്തിന് ശേഷം മാത്രമാണ് പെണ്കുട്ടിയുടെ വീട്ടുകാരെ സ്കൂള് അധികൃതര് വിവരമറിയിച്ചത്.
പെണ്കുട്ടിയുടെ വീട്ടുകാര് പരാതി നല്കിയാല് നടപടിയെടുക്കാമെന്നാണ് ജില്ലാ ഭരണകൂടത്തിന്റെ നിലപാട്.
https://www.facebook.com/Malayalivartha
