മൈസൂരില്‍ പോലീസ് ജീപ്പ് മറിഞ്ഞുണ്ടായ ഗുരുതര അപകടത്തില്‍ ഒരു പോലീസ് ഓഫീസര്‍ മരണപ്പെട്ടു. എതിരെ വന്ന ബസിലിടിച്ചാണ് അപകടമുണ്ടായത്. ഞെട്ടിക്കുന്നത് എന്തെന്ന് വച്ചാല്‍ അവിടെ കൂടിയ ആളുകള്‍ ഒന്നും അദ്ദേഹത്തെ രക്ഷിക്കാനോ ആശുപത്രിയില്‍ കൊണ്ടുപോകുവാനോ ശ്രമം നടത്തിയില്ല, പകരം അപകടരംഗം തങ്ങളുടെ മൊബൈല്‍ ഫോണുകളില്‍ പകര്‍ത്താനായിരുന്നു തിക്കും തിരക്കും.തലയ്ക്ക് ഗുരുതര പരിക്ക് പറ്റിയ മഹേഷ് കുമാര്‍ എന്ന 38-കാരനായ പോലീസ് ഇന്‍സ്‌പെക്ടറെ മറ്റ് പോലീസുകാര്‍ വന്ന് ആശുപത്രിയില്‍ എത്തിക്കുമ്പോഴേക്കും മരിച്ചിരുന്നു. ജീപ്പ് ഓടിച്ചിരുന്ന പോലീസ് ഡ്രൈവര്‍ സംഭവ സ്ഥലത്ത് വച്ച് തന്നെ മരിച്ചിരുന്നു.

നാണക്കേട് ഉണ്ടാക്കുന്ന രീതിയിലുള്ള രണ്ടാമത്തെ സംഭവമായിരുന്നു മൈസൂരില്‍ സംഭവിച്ചത്. കഴിഞ്ഞ വര്‍ഷം ഒരു യുവാവും ഇതേ രീതിയില്‍ രക്തം വാര്‍ന്ന് മരണപ്പെട്ടിരുന്നു.