പ്രതിപക്ഷ ബഹളത്തിനിടയിൽ ബഡ്ജറ്റവതരണം... നോട്ടുപിന്വലിക്കല് ധീരമായ തീരുമാനമെന്ന് ധനമന്ത്രി; ബജറ്റ് മാറ്റണമെന്ന പ്രതിപക്ഷ അഭ്യര്ത്ഥന തള്ളിക്കളഞ്ഞു
മുന്കേന്ദ്രമന്ത്രിയും ലോക് സഭാംഗവുമായ ഇ അഹമ്മദിന്റെ മരണത്തെ തുടര്ന്ന് അനിശ്ചിതത്വത്തിലായ ബജറ്റ് അവതരണത്തിന് പച്ചക്കൊടി. ഇ അഹമ്മദ് എംപിയുടെ നിര്യാണത്തില് അനുശോചനം രേഖപ്പെടുത്തിയ ശേഷം ബജറ്റ് അവതരിപ്പിക്കുന്ന കാര്യത്തില് പ്രതിപക്ഷവുമായി സമവായത്തിലെത്തുകയായിരുന്നു. രാഷ്ട്രപതി പ്രണാബ് മുഖര്ജിയും ബജറ്റ് അവതരിപ്പിക്കാന് അനുമതി നല്കുകയായിരുന്നു.
ലോക്സഭാ സ്പീക്കര് സുമിത്രാ മഹാജനും അനുമതി നല്കിയതിനെ തുടര്ന്ന് ബുധനാഴ്ച 11മണിയ്ക്ക് തന്നെ ബജറ്റ് അവതരണം നടക്കും. സിറ്റിംഗ് എംപി മരിച്ചതിനെ തുടര്ന്ന് കീഴ് വഴക്കപ്രകാരം ബജറ്റ് അവതരണം വ്യാഴാഴ്ചത്തേയ്ക്ക് മാറ്റിവയ്ക്കണമെന്നാണ് പ്രതിപക്ഷം ഉന്നയിച്ച ആവശ്യം ഇത് തള്ളിക്കൊണ്ടായിരുന്നു സ്പീക്കര് ബജറ്റ് അവതരണത്തിന് അനുമതി നല്കിയത്.
ബജറ്റ് അവതരണം ബുധനാഴ്ച തന്നെ നടക്കുമെന്ന് ലോക്സഭാ സ്പീക്കര് സുമിത്ര മഹാജന് മാധ്യമങ്ങളോട് വ്യക്തമാക്കി. എംപി ഇ അഹമ്മദിന്റെ നിര്യാണത്തില് അനുശോചിക്കുന്നതായും സ്പീക്കര് അറിയിച്ചു
https://www.facebook.com/Malayalivartha
