50 ലക്ഷം മുതല്‍ 1 കോടി വരെ വാര്‍ഷിക വരുമാനമുള്ളവര്‍ക്ക് 10 ശതമാനം സര്‍ചാര്‍ജ്ജ്. വാർഷിക വരുമാനം 2.5 ലക്ഷം വരെ നികുതിയില്ല. 2.5 ലക്ഷം മുതൽ 5 ലക്ഷം വരെയുള്ള നികുതി പത്ത് ശതമാനത്തിൽ നിന്ന് 5 ശതമാനമാക്കി

രാഷ്ട്രീയ പാര്‍ട്ടികള്‍ക്കുള്ള സംഭാവനകള്‍ക്ക് നിയന്ത്രണം. പണമായി സ്വീകരിക്കാവുന്നത് 2000 രൂപ മാത്രം. കൂടുതല്‍ തുക ചെക്കായോ, ഡിജിറ്റന്‍ ഇടപാടയോ മാത്രം നല്‍കാം. മൂന്ന് ലക്ഷത്തില്‍ കൂടുതല്‍ കറന്‍സി ഇടപാട് പാടില്ല

നികുതി പിരിവ് കാര്യക്ഷമമാക്കും . ചെറുകിട കമ്പനികളുടെ നികുതി നിരക്ക് 5 ശതമാനം കുറച്ചു.നികുതി പിരിവില്‍ 34 ശതമാനം വര്‍ദ്ധനയോടെ
വരുമാനം 17 ശതമാനം കൂട്ടുക വഴി ധനക്കമ്മി 3% ആക്കുക ലക്ഷ്യം. ഇത് വഴി
റവന്യു കമ്മി 1.9%,​ ധനക്കമ്മി 3.2 % ബജറ്റ് നീക്കിയിരിപ്പ് 21,​47,​000 കോടി എന്നിവ ലക്ഷ്യമിടുന്നു .

എയര്‍പോര്‍ട്ട് അതോറിറ്റി നിയമം പരിഷ്ക്കരിക്കും

2020 ഓടെ 20 ലക്ഷം ആധാർ അധിഷ്ഠിത സ്വൈപ്പ് മെഷീൻസ്. 2500 കോടി ഡിജിറ്റല്‍ ഇടപാടുകള്‍ ലക്ഷ്യം. കാഷ്‌ ലെസ്സ് ഇടപാടുകള്‍ക്കായി ആധാര്‍ പെ.ഭീം ആപ്പ് പ്രോത്സാഹിപ്പിക്കാന്‍ 2 പദ്ധതികള്‍. വ്യാപാരികള്‍ക്കായി ആധാര്‍ അധിഷ്ഠിത ഡിജിറ്റല്‍ വിനിമയ സംവിധാനം കൊണ്ടു വരും. ആധാര്‍ അധിഷ്ഠിത ആരോഗ്യകാര്‍ഡുകള്‍ പ്രാവർത്തികമാക്കും.

വരള്‍ച്ച നേരിടാന്‍ നടപടികള്‍. ജലസേചന പദ്ധതികള്‍ക്ക് മുന്‍ഗണന. ചെറുകിട ജലസേചന പദ്ധതികള്‍ക്ക് 5000 കോടി വിലയിരുത്തി.

പ്രതിരോധ മേഖലയ്ക്ക് 2.74 ലക്ഷം കോടി .സൈനികര്‍ക്ക് ഓണ്‍ലൈനിലൂടെ പെന്‍ഷന്‍ നല്‍കും

24000 മേഖലകളില്‍ നാല് വര്‍ഷത്തിനുള്ളില്‍ കുടിവെള്ളം. ജലമലിനീകരണം രൂക്ഷമായ മേഖലകളില്‍ കുടിവെള്ളമെത്തിക്കും


സാമ്പത്തിക കുറ്റകൃത്യം നടത്തി രാജ്യം വിട്ടവരുടെ സ്വത്തുവകകൾ കണ്ടുകെട്ടാൻ നിയമം നിർമ്മിക്കും
.
പുതിയ വിദേശ നിക്ഷേപ നയം പരിഗണനയില്‍

സങ്കല്‍പ്പ് - 3.5 കോടി യുവാക്കള്‍ക്ക് പരിശീലനം. രാജ്യം ഇലക്ട്രോണിക് വികസന ഹബ്ബാക്കും. യുവാക്കള്‍ക്ക് കൂടുതല്‍ തൊഴിലവസരങ്ങള്‍ ഏർപ്പെടുത്തും . പ്രവേശന പരീക്ഷകള്‍ക്ക് ഏകികൃത സംവിധാനം ഏര്‍പ്പെടുത്തും. സര്‍ക്കാരിന്‍റെ ലക്ഷ്യം 'ടെക്' ഇന്ത്യ

ഗതാഗത വികസനത്തിന് 2.41 ലക്ഷം കോടി

മുദ്രയോജനയുടെ വായ്പ പരിധി 2.44 ലക്ഷം കോടിയാക്കി ഉയർത്തി

PPP മാതൃകയില്‍ കൂടുതല്‍ വിമാനത്താവളങ്ങള്‍

പരാതികള്‍ പരിഹരിക്കുന്നതിനായി കോച്ച് മിത്ര പദ്ധതി

റെയില്‍വേയില്‍ 1.31 ലക്ഷം കോടി രൂപ നിക്ഷേപിക്കും

സൗരോർജ്ജം വഴിയുള്ള ഊർജ്ജോത്പാദന ലക്ഷ്യം 20,000 മെഗാവാട്ട്

ഒന്നര ലക്ഷം ഗ്രാമപഞ്ചായത്തുകളില്‍ ഇന്റര്‍നെറ്റ് സൗകര്യത്തിന് ഭാരത് നെറ്റ് പ്രോജക്ട് നടപ്പിലാക്കാന്‍ 10000 കോടി

പ്രത്യേക വിനോദസഞ്ചാര സോണുകള്‍. 3500 കിലോമീറ്റര്‍ പുതിയ റെയില്‍പാതകള്‍. 500 സ്റ്റേഷനുകളുല്‍ ലിഫ്റ്റ്. അടുത്ത വർഷം 500 സ്റ്റേഷനുകൾ പൂർണമായും ദിവ്യാംഗ സൗഹൃദമാക്കും.2019ഓടെ എല്ലാ കോച്ചുകളിലും ബയോ ടോയ് ലറ്റ്. IRCTC വഴിയുള്ള എല്ലാ ബുക്കിംഗിനും സേവന നികുതി ഒഴിവാക്കി . ദേശീയ പാതകൾക്ക് 64,000 കോടി . തീർത്ഥാടന -വിനോദ സഞ്ചാര സൗകര്യത്തിന് പ്രത്യേക ട്രെയിനുകൾ. വിനോദസഞ്ചാര മേഖലയില്‍ നൈപുണ്യവികസനം

ലക്ഷ്യം സ്വച്ഛ് റെയിൽവേ . 2019 ൽ എല്ലാ റെയിൽവേ കോച്ചുകളും പരിസ്ഥിതി സൗഹൃദമാക്കും. റെയിൽ സുരക്ഷയ്ക്ക് ഒരു ലക്ഷം കോടി
2020 ൽ എല്ലാ ആളില്ലാ ലെവൽ ക്രോസുകളും അവസാനിപ്പിക്കും

2025 ഓടെ ക്ഷയരോഗം നിര്‍മാര്‍ജനം ചെയ്യും

പ്രധാനമന്ത്രി ആവാസ് യോജനയ്ക്ക് 20000 കോടി

ജീവന്‍ രക്ഷാ മരുന്നുകളുടെ വില കുറയും

മഹിളാ ശാക്തീകരണ കേന്ദ്രങ്ങള്‍ ആരംഭിക്കാന്‍ 500 കോടി രൂപ . 52,393 കോടി - പട്ടികജാതി വിഭാഗങ്ങൾക്ക് നീക്കിവെച്ചു . 2019 നു മുൻപ് 1 കോടി വീടുകൾ നിർമ്മിച്ചു നൽകും. സ്ത്രീകള്‍ക്കും കുട്ടികള്‍ക്കുമായി പ്രത്യേക പദ്ധതികള്‍ .ഇതിനായി 1.84 ലക്ഷം കോടി രൂപ വകയിരുത്തും.

അടുത്തവർഷം മെഡിക്കൽ മേഖലയിൽ 5000 പി ജി സീറ്റുകൾ. ജാർഖണ്ഡിലും ഗുജറാത്തിലും എയിംസ്. ഉന്നത വിദ്യാഭ്യാസ രംഗത്ത് മികച്ച നിലവാരം ഉറപ്പാക്കുന്ന സ്ഥാപനങ്ങള്‍ക്ക് സ്വയംഭരണാവകാശം നല്‍കും

ഗ്രാമീണ മേഖലയിലെ വൈദ്യുതീകരണം 2018 ഓടെ പൂര്‍ത്തിയാവും. 50000 ഗ്രാമങ്ങളെ ദാരിദ്ര്യമുക്തമാക്കും.ഒരു കോടി കുടുംബങ്ങളെ ദാരിദ്ര്യ മുക്തമാക്കുമെന്ന ലക്ഷ്യം ഒരു വര്‍ഷത്തിനുള്ളില്‍ പൂര്‍ത്തീകരിക്കും

കാര്‍ഷിക ലാബുകള്‍ ആരംഭിക്കും. ക്ഷീരമേഖലയ്ക്ക് 80,000 കോടി വകയിരുത്തും.കാര്‍ഷിക രംഗത്ത് 4.1 ശതമാനം വളര്‍ച്ച ലക്ഷ്യമിടുന്നു. കര്‍ഷകര്‍ക്ക് 100 തൊഴില്‍ ദിനങ്ങള്‍ കൂടി ഉറപ്പാക്കും. കാര്‍ഷിക നഷ്ടപരിഹാര തുക ഇരട്ടിയാക്കി.
ഫസൽ ബീമ യോജന - 13214 കോടി അനുവദിക്കും. പത്ത് ലക്ഷം കോടി കർഷ്കർക്ക് വായ്പ നൽകാൻ നീക്കിവയ്ക്കും. സാമൂഹ്യ സുരക്ഷ , ആരോഗ്യ സുരക്ഷ , യുവശക്തി ,എന്നിവക്ക് പ്രാമുഖ്യം .കർഷകർക്കുള്ള ലാഭം അടുത്ത അഞ്ച് വർഷത്തിനുള്ളിൽ ഇരട്ടിയാക്കും.. വിള ഇന്‍ഷ്വറന്‍സിന് 9000 കോടി

തൊഴിലുറപ്പ് വിഹിതം 48,000 കോടി രൂപയാക്കും. PMGSY - 19000 കോടി അനുവദിച്ചു. 4814 കോടി ദീനദയാൽ ഉപാദ്ധ്യായ ഗ്രാമ ജ്യോതി യോജനയ്ക്ക്