ഭൂരിപക്ഷം ഉറപ്പിക്കാനായി അണ്ണാഡിഎംകെ എംഎല്‍എമാരെ ശശികല ഒളവില്‍ പാര്‍പ്പിച്ചിരിക്കുന്ന റിസോര്‍ട്ടിനെച്ചൊല്ലി വിവാദം ഉയരുന്നു. ഇവരെ പാര്‍പ്പിച്ചിരിക്കുന്ന മഹാബലിപുരത്തെ റിസോര്‍ട്ട് വിവാദ വ്യവസായി ശങ്കര്‍ റെഡ്ഡിയുടേതാണെന്നാണ് സൂചനകള്‍.

അനധികൃത സ്വത്ത് സമ്പാദന കേസില്‍ സിബിഐയുടെ പിടിയിലായ വ്യവസായി ആണ് ശങ്കര്‍ റെഡ്ഡി. നോട്ട് നിരോധനത്തിനു ശേഷം ഇയാളില്‍ നിന്ന് പത്ത് കോടി യുടെ 2000 രൂപാ നോട്ടുകളാണ് പിടിച്ചെടുത്തത്. ഇയാള്‍ക്ക് അണ്ണാഡിഎംകെ യുമായി അടുത്ത ബന്ധമാണ് ഉള്ളത്.

വെല്ലൂരില്‍ ചെറുകിട കോണ്‍ട്രാക്ടറായി ജോലി തുടങ്ങിയ ശേഖറിന്റെ വളര്‍ച്ച അതിവേഗത്തിലായിരുന്നു. എംഎല്‍എമാരെ തടവിലാക്കിയിരിക്കുകയാണെന്ന പനീര്‍ശെല്‍വത്തിന്റെ ആരോപണത്തെതുടര്‍ന്ന് എംഎല്‍എമാര്‍ മാധ്യമങ്ങള്‍ക്ക് മുന്നില്‍ പ്രത്യക്ഷപ്പെട്ടിരുന്നു. ആരുടെയും തടവിലല്ലെന്നും ഇവര്‍ പറഞ്ഞിരുന്നു. നിലവില്‍ ഇവര്‍ താമസിക്കുന്ന റിസോര്‍ട്ട് പാര്‍ട്ടി പ്രവര്‍ത്തകരുടെ നിയന്ത്രണത്തിലാണ്. പുറമെ നിന്നുള്ള ആരെയും റിസോര്‍ട്ടിനുള്ളിലേക്ക് കടത്തി വിടുന്നുമില്ല. അതേസമയം നിരാഹാരം കിടന്ന് എംഎല്‍എമാര്‍ പ്രതിഷേധിക്കുകയാണ്.