കേരള ഹൈക്കോടതി ചീഫ് ജസ്റ്റിസ് എം.എം.ശാന്തനഗൗഡര്‍ അടക്കം അഞ്ചുപേര്‍ സുപ്രീംകോടതി ജസ്റ്റിസുമാരായി ഇന്ന് സത്യപ്രതിജ്ഞ ചെയ്യും. ചീഫ് ജസ്റ്റിസ് ജെ.എസ്.ഖെഹാര്‍ സത്യവാചകം ചൊല്ലിക്കൊടുക്കും.
രാജസ്ഥാന്‍ ചീഫ് ജസ്റ്റിസ് നവീന്‍ സിന്‍ഹ, മദ്രാസ് ഹൈക്കോടതി ചീഫ് ജസ്റ്റിസ് എസ്.കെ.കൗള്‍ , ഛത്തീസ്ഗഢ് ചീഫ് ജസ്റ്റിസ് ദീപക് ഗുപ്ത, കര്‍ണാടക ഹൈക്കോടതി ജഡ്ജി എസ്.അബ്ദുള്‍ നസീര്‍ എന്നിവരാണ് ചുമതലയേല്‍ക്കുന്ന മറ്റു നാലുപേര്‍. ഇതോടെ സുപ്രീംകോടതി ജസ്റ്റിസുമാരുടെ എണ്ണം ഇരുപത്തിയെട്ടായി.