ജയില്മാറ്റത്തിന് കരുനീക്കം തുടങ്ങി; ശശികല ചെന്നൈയിലേക്ക്..?
കൂടുതല് സൗകര്യങ്ങള് പരപ്പന ജയിലില് വേണമെന്ന ആവശ്യം തളളിയതും തമിഴ്നാട്ടിലെ രാഷ്ട്രീയ സാഹചര്യങ്ങളും ജയില് മാറ്റ ചര്ച്ചകള്ക്ക് കാരണമായി. തമിഴ്നാട്ടില് പളനിസ്വാമി മന്ത്രിസഭ വിശ്വാസവോട്ട് നേടി അധികാരമേറ്റതോടെ ജയില് മാറാനുളള നീക്കങ്ങളും സജീവമായതായാണ് വിവരം.
അഭിഭാഷകരുമായി കഴിഞ്ഞ ദിവസം കൂടിക്കാഴ്ച നടത്തിയ ശശികല പരപ്പന അഗ്രഹാര ജയില് സൂപ്രണ്ടിന് ഉടന് അപേക്ഷ സമര്പ്പിച്ചേക്കും. ജയിലിലെത്തി ശശികലയെ കണ്ട എഐഎഡിഎംകെ ഡെപ്യൂട്ടി ജനല് സെക്രട്ടറി ടിടിവി ദിനകരനും ജയലളിതയുടെ ബന്ധു ദീപക് ജയകുമാറും ഇക്കാര്യം അവരുമായി സംസാരിച്ചെന്നാണ് അറിയുന്നത്.
ശശികലക്കൊപ്പം ഇളവരസിയും സുധാകരനും ജയില് മാറ്റത്തിന് അപേക്ഷ നല്കും. പരപ്പന ജയിലില് സുരക്ഷാ പ്രശ്നങ്ങളുണ്ടെന്ന് ചൂണ്ടിക്കാട്ടിയാവും ഇത്. ജയിലിലേക്ക് എത്തിയ ദിവസം തങ്ങളുടെ വാഹനങ്ങള്ക്ക് നേരെ ജയിലിന് പുറത്തുണ്ടായ അക്രമസംഭവങ്ങള് ഇതിന് ഉദാഹരണമായി ശശികലയും കൂട്ടുപ്രതികളും നിരത്തിയേക്കും.
അപേക്ഷ പരിഗണനയ്ക്ക് എത്തിയാല് കര്ണാടകത്തിലെ കോണ്ഗ്രസ് സര്ക്കാര് എതിര്ക്കില്ലെന്നാണ് സൂചന. ഇരുസംസ്ഥാനങ്ങളും ഒരേ നിലപാടെടുത്താന് ചെന്നൈയിലേക്ക് മാറുക എളുപ്പമാകുമെന്ന് എഐഎഡിഎംകെ കണക്കുകൂട്ടുന്നു. തമിഴ്നാട് മുഖ്യമന്ത്രി എടപ്പാടി പളനിസ്വാമി ശശികലയെ കാണാന് വൈകാതെ പരപ്പന ജയിലില് എത്തിയേക്കും.
https://www.facebook.com/Malayalivartha
