ആന്ധ്രപ്രദേശിലെ കൃഷ്ണ ജില്ലയിലെ മുല്ലപ്പെടുവില്‍ സ്വകാര്യ ബസ് കനാലിലേക്ക് മറിഞ്ഞ് ആറുപേര്‍ മരിച്ചു. ഇരുപതിലേറെ പേര്‍ക്ക് പരുക്കേറ്റു. ഹൈദരാബാദ് വിജയവാഡ ദേശീയപാതയില്‍ പുലര്‍ച്ചെ ആറുമണിയോടെയായിരുന്നു അപകടമുണ്ടായത്. അമിതവേഗതയിലെത്തിയ ബസ് കൈവരികള്‍ തകര്‍ത്ത് വെള്ളത്തിലേക്ക് വീണതായി ദൃക്‌സാക്ഷികള്‍ പറഞ്ഞു. ഡ്രൈവര്‍ ഉറങ്ങിയതാണ് അപകട കാരണമെന്നാണ് പ്രാഥമിക നിഗമനം.
തെലുങ്കുദേശം പാര്‍ട്ടിയിലെ സഹോദരങ്ങളായ എം.എല്‍.എയുടെയും എം.പിയുടെയും ഉടമസ്ഥതയിലുള്ള ട്രാവല്‍സിന്റെ ബസാണ് അപകടത്തില്‍പ്പെട്ടത്.