റിലയന്‍സ് ജിയോ ഉയര്‍ത്തിയ സൗജന്യ ഓഫര്‍ തരംഗത്തിന് മറുപടിയുമായി പൊതുമേഖലാ സ്ഥാപനമായ ബി.എസ്.എന്‍.എല്‍ രംഗത്തെത്തി. പുതിയ ഓഫര്‍ അനുസരിച്ച്, റോമിങ്ങില്‍ ഉള്‍പ്പെടെ ഏതു നെറ്റ്വര്‍ക്കിലേക്കും പരിധിയില്ലാത്ത ഔട്ട്‌ഗോയിംഗ് കോളുകള്‍ക്കൊപ്പം 6 ജി.ബി. ഡേറ്റയും ലഭിക്കും. 799 രൂപയുടെ ഈ പുതിയ ഓഫര്‍, പോസ്റ്റ് പെയ്ഡ് മൊബൈല്‍ വരിക്കാര്‍ക്കായാണ് അവതരിപ്പിച്ചിരിക്കുന്നത്.

ഓഫര്‍ പ്രകാരം, ആദ്യത്തെ നാലു മാസത്തേക്ക് 799 രൂപയുടെ പ്ലാനിനു 599 രൂപ നല്‍കിയാല്‍ മതി. കൂടാതെ ആറു ജിബിക്കു ശേഷമുള്ള ഡേറ്റ ഉപയോഗത്തിന് ആഡ് ഓണ്‍ പായ്ക്കും ബി.എസ്.എന്‍.എല്‍ അവതരിപ്പിച്ചിട്ടുണ്ട്. 170 രൂപയ്ക്ക് രണ്ടു ജിബിയും, 225 രൂപയ്ക്ക് നാലു ജിബിയും, 501 രൂപയ്ക്ക് 10 ജിബിയും ആഡ് ഓണ്‍ പ്ലാന്‍ ആയി ഉപയോഗിക്കാം.