കഴുത്തില് തൂക്കിയ ക്യാമറയുമായി പൊലീസുകാര്
03 MARCH 2017 01:41 PM IST
മലയാളി വാര്ത്ത
തിരക്കേറിയ ഇടങ്ങളില് ട്രാഫിക് നിയമലംഘനം നടത്തുന്നവരെ ഇനി പിടികൂടാന് കഴുത്തില് തൂക്കിയിട്ട ക്യാമറകളുമായി കര്ണാടക ട്രാഫിക് പൊലീസ് രംഗത്ത്. കഴുത്തില് ക്യാമറകളുമായി 50 പൊലീസ് ഉദ്യോഗസ്ഥരെ ട്രാഫിക് നിയമലംഘനങ്ങള് നിരീക്ഷിക്കാന് നിയോഗിച്ചതായി ഡപ്യൂട്ടി കമ്മിഷണര് (ട്രാഫിക്) അഭിഷേക് ഗോയല് അറിയിച്ചു.
വിധാനസൗധയുടെ പത്തു കിലോമീറ്റര് ചുറ്റളവില് തിരക്കേറിയ ഭാഗങ്ങളിലാണ് ഇവരുടെ സേവനം ലഭ്യമാക്കുക. 150 ഗ്രാമില് താഴെ ഭാരമുള്ള ഹൈ ഡെഫിനിഷന് ക്യാമറയിലൂടെ ഉയര്ന്ന നിലവാരമുള്ള ഓഡിയോ, വിഡിയോ ദൃശ്യങ്ങള് തുടര്ച്ചയായി പത്തു മണിക്കൂറോളം പകര്ത്താന് സാധിക്കും. റോഡപകടമോ, മറ്റ് അതിക്രമങ്ങളോ ഉണ്ടായാലും ദൃശ്യങ്ങള് പകര്ത്താന് ഇവ സഹായിക്കും. പിന്നീടിവ തെളിവായി ഉപയോഗിക്കാനും സാധിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
