അഞ്ച് സംസ്ഥാനങ്ങളിലെ വോട്ടെണ്ണല്‍ ഉത്തരാഖണ്ഡില്‍ ആദ്യ ഫലസൂചനകളില്‍ കോണ്‍ഗ്രസിന് മുന്‍തൂക്കമുണ്ടായിരുന്നെങ്കിലും പിന്നീട് ബിജെപി മുന്നിലെത്തി. നിലവില്‍ എതിരാളികളേക്കാള്‍ ഇരട്ടിയിലധികം സീറ്റുകളില്‍ ബിജെപി മുന്നിലാണ്. ഉത്തരാഖണ്ഡില്‍ ബിജെപി വിജയിക്കുമെന്നായിരുന്നു മിക്കവാറും എല്ലാ എക്‌സിറ്റ് പോളുകളുടെയും പ്രവചനം.

മണിപ്പൂരിലും ഉത്തരാഖണ്ഡിലും ബിജെപി ലീഡ് നിലനിര്‍ത്തുകയാണ്. ബിജെപിയും കോണ്‍ഗ്രസും നേര്‍ക്കുനേര്‍ പോരാട്ടം നടത്തുന്ന ഉത്തരാഖണ്ഡില്‍ ഇരു കൂട്ടരും ഇഞ്ചോടിഞ്ച് മല്‍സരമാണ് നടത്തുന്നത്. പഞ്ചാബില്‍ കോണ്‍ഗ്രസ് വ്യക്തമായ ലീഡ് നില പുലര്‍ത്തുന്നു. തൊട്ടുപിന്നാലെ എഎപി രണ്ടാം സ്ഥാനത്തെത്തി ശക്തമായ പ്രകടനം കാഴ്ചവയ്ക്കുകയാണ്. ഇവിടെ അകലാദിള്‍ ബിജെപി സഖ്യം മൂന്നാമതാണ്. ഗോവയിലും കോണ്‍ഗ്രസ് മുന്നിലാണ്.

അതേസമയം, വോട്ടെണ്ണല്‍ പുരോഗമിക്കുമ്‌ബോള്‍ സൂചനകള്‍ മാറിമറിഞ്ഞു വരുന്നു. 2019 ലെ ലോക്‌സഭാ തിരഞ്ഞെടുപ്പിന്റെ സെമി ഫൈനല്‍ എന്നു വിശേഷിപ്പിക്കപ്പെട്ട വോട്ടെടുപ്പിന്റെ ഫലം ദേശീയ രാഷ്ട്രീയത്തെ നിര്‍ണായകമായി സ്വാധീനിക്കും. രാവിലെ എട്ടിനാണു വോട്ടെണ്ണല്‍ ആരംഭിച്ചത്. പത്തരയോടെ ആദ്യഫലങ്ങള്‍ പുറത്തുവരും. ഉച്ചയോടെ പൂര്‍ണചിത്രം വ്യക്തമാകും.