മണിപ്പുര് മുഖ്യമന്ത്രിയായി ബി.ജെ.പിയുടെ എന്. ബീരേന് സിങ് ഇന്ന് അധികാരമേല്ക്കും
മണിപ്പുര് മുഖ്യമന്ത്രിയായി ബി.ജെ.പിയുടെ എന്. ബീരേന് സിങ് ഇന്ന് അധികാരമേല്ക്കും. ഇതോടെ നിയമസഭാ തെരഞ്ഞെടുപ്പ് നടന്ന അഞ്ചില് നാലു സംസ്ഥാനങ്ങളിലും ബി.ജെ.പി. അധികാരത്തിലാകും. ഇന്ന് ഉച്ചയ്ക്ക് ഒന്നിനു സത്യപ്രതിജ്ഞയെടുക്കുമെന്നു ബീരേന് സിങ് അറിയിച്ചു.
മണിപ്പുരിന്റെ ചരിത്രത്തിലാദ്യമായാണു ബി.ജെ.പി. അധികാരത്തിലെത്തുന്നത്.ബി.ജെ.പിയെ പിന്തുണയ്ക്കുമെന്നു പ്രഖ്യാപിച്ച നാഗാ പീപ്പിള്സ് ഫ്രണ്ടി(എന്.പി.എഫ്)ന്റെ നാലു എം.എല്.എമാര് ഗവര്ണര് നജ്മ ഹെപ്തുള്ളയെ സന്ദര്ശിച്ചു നിലപാട് അറിയിച്ചതോടെയാണു സത്യപ്രതിജ്ഞയ്ക്കുള്ള ക്ഷണമെത്തിയത്. 60 അംഗ നിയമസഭയില് 32 പേരുടെ പിന്തുണ തങ്ങള്ക്കുണ്ടെന്നാണു ബി.ജെ.പി. നിലപാട്.
തെരഞ്ഞെടുപ്പില് 21 സീറ്റാണു പാര്ട്ടിക്കു ലഭിച്ചത്. 28 സീറ്റുള്ള കോണ്ഗ്രസാണു സഭയിലെ വലിയ കക്ഷി. മുന് കോണ്ഗ്രസുകാരനായ ബീരേന് സിങ്, നേരത്തേ ഒക്രാം ഇബോബി സിങ് മന്ത്രിസഭയില് അംഗമായിരുന്നു. എന്.പി.എഫ്, എന്.പി.പി, എല്.ജെ.പി, ടി.എം.സി, സ്വതന്ത്രര് എന്നിവരുടെ പിന്തുണയാണു ബി.ജെ.പിക്കുള്ളത്. 28 സീറ്റില് ജയിച്ചെങ്കിലും കോണ്ഗ്രസിന്റെ ഒരു സാമാജികന് കൂറുമാറി.
https://www.facebook.com/Malayalivartha
