ആര്.കെ നഗറില് ടി.ടി.വി ദിനകരന് അണ്ണാ ഡി.എം.കെ സ്ഥാനാര്ഥിയായി മത്സരിക്കും
എ.ഐ.എ.ഡി.എം.കെ ഡെപ്യൂട്ടി ജനറല് സെക്രട്ടറിയും ശശികലയുടെ സഹോദര പുത്രനുമായ ടി.ടി.വി ദിനകരന് ആര്.കെ നഗര് ഉപതെരഞ്ഞെടുപ്പില് മല്സരിക്കും. പാര്ട്ടിയുടെ പ്രസീഡിയം ചെയര്മാന് സെങ്കോട്ടയ്യനാണ് ഇക്കാര്യം അറിയിച്ചത്. ജയലളിതയുടെ മരണത്തെ തുടര്ന്ന് ഒഴിവ് വന്ന നിയമസഭ സീറ്റാണ് ആര്.കെ നഗറിലേത്. എപ്രില് 12നാണ് ഇവിടെ നിയമസഭ തെരഞ്ഞെടുപ്പ് നടക്കുക്കുന്നത്.
തന്റെ വിശ്വസ്തനെ തന്നെ മല്സരിപ്പിച്ച് ആര്.കെ നഗര് തെരഞ്ഞെടുപ്പില് വിജയിക്കാനുള്ള ശ്രമമാണ് ശശികല നടത്തുന്നത്. ആര്.കെ നഗര് ഉപതെരഞ്ഞെടുപ്പ് ശശികലയെ സംബന്ധിച്ച് നിര്ണായകമാണ്. തമിഴ്നാട് മുന് മുഖ്യമന്ത്രി പന്നീര്ശെല്വം ഉയര്ത്തുന്ന ഭീഷണികള് മറികടക്കണമെങ്കില് ശശികല പക്ഷത്തിന് തെരഞ്ഞെടുപ്പില് ജയിച്ചേ മതിയാകു. എന്നാല് തെരഞ്ഞെടുപ്പില് ജയിച്ചാല് മുഖ്യമന്ത്രിയാവുമോ എന്ന ചോദ്യത്തിന് ഇല്ല എന്ന ഉത്തരമാണ് ദിനകരന് നല്കുന്നതെങ്കിലും ഭാവിയില് ഇതിനുള്ള സാധ്യത തള്ളികളയാനാവില്ല.
https://www.facebook.com/Malayalivartha
