വ്യക്തികളുടെ വിവരങ്ങളും ആധാര് ഡേറ്റയും ചോര്ത്തുന്നവര്ക്ക് മൂന്ന് വര്ഷം വരെ തടവ് ശിക്ഷ ; കേന്ദ്ര ഐ.ടി മന്ത്രാലയം
വ്യക്തികളുടെ വിവരങ്ങളും ആധാര് ഡേറ്റയും ഔദ്യോഗിക വെബ്സൈറ്റുകളില് പ്രസിദ്ധീകരിക്കാന് പാടില്ല. എന്നാല് അടുത്തിടെ ലക്ഷക്കണക്കിന് പെന്ഷന്കാരുടെ ആധാര് വിവരങ്ങള് ഛണ്ഡിഗഡിലും ജാര്ഖണ്ഡിലും സര്ക്കാര് വെബ്സൈറ്റില് പ്രസിദ്ധീകരിച്ചിരുന്നു. കൂടാതെ, ഇന്ത്യന് ക്രിക്കറ്റ് ടീം മുന് നായകന് എം.എസ്.ധോണിയുടെ ആധാര് വിവരങ്ങള് ചോര്ന്നതിനെതിരെ ഭാര്യ സാക്ഷി രംഗത്തെത്തിയിരുന്നു.
ഈ അവസരത്തിലാണ് വ്യക്തികളുടെ വിവരങ്ങളും ആധാര് ഡേറ്റയും ചോരുന്നതിനെതിരെ നടപടിയുമായി കേന്ദ്രസര്ക്കാര് രംഗത്ത് വന്നത്. കുറ്റം ചെയ്യുന്നവര്ക്ക് മൂന്ന് വര്ഷം വരെ തടവ് ശിക്ഷ ലഭിക്കാമെന്ന് കേന്ദ്ര ഐ.ടി മന്ത്രാലയം സംസ്ഥാനങ്ങള്ക്ക് മുന്നറിയിപ്പ് നല്കി.
സംഭവത്തില് പോലീസ് കേസ് രജിസ്റ്റര് ചെയ്ത് അന്വേഷണം നടത്തുന്നുണ്ട്. ഇങ്ങനെ ഔദ്യോഗിക വെബ് സൈറ്റുകളില് പ്രസിദ്ധീകരിച്ചിട്ടുള്ള വിവരങ്ങള് വീണ്ടും പരിശോധിക്കാനും സ്വകാര്യ വിവരങ്ങള് വെബ്സൈറ്റുകളില് ചേര്ത്തിട്ടില്ലെന്ന് ഉറപ്പുവരുത്താനും കേന്ദ്ര ഐടി മന്ത്രാലയം നിര്ദേശിച്ചിട്ടുണ്ട്.
https://www.facebook.com/Malayalivartha
