ഛത്തീസ്ഗഡ് ആക്രമണം സര്ക്കാരിനോടുള്ള പ്രതികാരം:മാവോയിസ്റ്റുകള്
ഛത്തീസ്ഗഡില് സി.ആര്.പി.എഫ് ജവാന്മാര്ക്ക് എതിരെ ആക്രമണം നടത്തിയത് സര്ക്കാരിനോടുള്ള പ്രതികാരം തീര്ക്കാനാണെന്ന് മാവോയിസ്റ്റുകള്. പതിനാറ് മിനിറ്റ് നീണ്ടുനില്ക്കുന്ന വീഡിയോയിലൂടെയാണ് മാവോയിസ്റ്റുകള് ഇക്കാര്യം അറിയിച്ചത്.
കഴിഞ്ഞ വര്ഷം ഛത്തീസ്ഗഡിലും ഒഡിഷയിലുമായി മാവോയിസ്റ്റുകളെ സര്ക്കാര് കൊന്നു. ഇതിനും തങ്ങളുടെ സ്ത്രീകളോട് കാട്ടിയ ലൈംഗിക അതിക്രമങ്ങള്ക്കുമുള്ള മറുപടിയാണ് ഈ ആക്രമണമെന്നാണ് വീഡിയോയില് പറയുന്നത്.
അര്ദ്ധസൈനിക സേനയിലെ ജവാന്മാരോടല്ല മാവോയിസ്റ്റുകളുടെ പോരാട്ടം. എന്നാല് അവര് സര്ക്കാരിന്റെ ഭാഗമാണ്. ഞങ്ങളുടെ വഴി തടഞ്ഞാല് ഇതായിരിക്കും ഫലം. അര്ദ്ധസൈനിക സേനാംഗങ്ങള് ഞങ്ങളുടെ ആള്ക്കാരെ കൊന്നു. വ്യാജ ഏറ്റുമുട്ടലില് കൊലപ്പെടുത്തിയ വനിത മാവോയിസ്റ്റുകളുടെ ചിത്രങ്ങളും അശ്ലീല വീഡിയോകളും ഇന്റര്നെറ്റില് പ്രചരിപ്പിച്ചു. പിന്നോക്ക ഗോത്ര വിഭാഗങ്ങള്ക്ക് എതിരായ കുത്തക മുതലാളിമാര്, ബിസിനസുകാര്, ഗുണ്ടകള് എന്നിവരെ സേവിക്കുന്നത് ജവാന്മാര് അവസാനിപ്പിക്കണം. അവരെ സംരക്ഷിച്ച് സ്വന്തം ജീവന് നഷ്ടപ്പെടുത്തരുതെന്നും വീഡിയോയില് പറയുന്നു.
https://www.facebook.com/Malayalivartha
