യാത്രക്കാരന്റെ വെളിപ്പെടുത്തലില് പരിഭ്രാന്തരായി ജീവനക്കാര്
ഡല്ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില് എത്തിയ യാത്രക്കാരന് ജീവനക്കാരെ പരിഭ്രാന്തരാക്കി. താന്, പാകിസ്ഥാന് ചാര സംഘടനയായ ഐ.എസ്.ഐയുടെ ഏജന്റാണെന്നാണ് അവകാശപ്പെട്ടത്.
വെള്ളിയാഴ്ച ദുബായില് നിന്ന് ഡല്ഹിയിലേക്ക് വന്ന എയര്ഇന്ത്യ വിമാനത്തിലെ യാത്രക്കാരനായ പാകിസ്ഥാന് സ്വദേശി മുഹമ്മദ് അഹമ്മദ് ഷെയ്ഖ് മുഹമ്മദ് റഫീഖ് ആണ് താന് ഐ.എസ്.ഐ ഏജന്റാണെന്നും ഇനി ഇന്ത്യയില് താമസിക്കാന് ആഗ്രഹിക്കുന്നതായും വ്യക്തമാക്കിയത്.
ഡല്ഹിയില് എത്തിയ ശേഷം നേപ്പാളിലെ കാഠ്മണ്ഡുവിലേക്ക് പോകാന് റഫീഖ് ടിക്കറ്റ് ബുക്ക് ചെയ്തിരുന്നു. എന്നാല്, വിമാനമിറങ്ങിയ ഉടന് റഫീഖ്, ഹെല്പ് ഡെസ്കിലെത്തി താന് ഐ.എസ്.ഐ ഏജന്റാണെന്നും ഇനി ഇന്ത്യയില് താമസിക്കാന് ആഗ്രഹിക്കുന്നതായും വ്യക്തമാക്കി. മാത്രമല്ല, ചില വിവരങ്ങള് പങ്ക് വയ്ക്കാനുണ്ടെന്നും അവകാശപ്പെട്ടു. ഇതോടെ പരിഭ്രാന്തരായ ജീവനക്കാര് സുരക്ഷാ ഉദ്യോഗസ്ഥരെ വിവരം അറിയിച്ചു. അവരെത്തി റഫീഖിനെ കസ്റ്റഡിയില് എടുത്ത ശേഷം രഹസ്യാന്വേഷണ ഏജന്സികള്ക്ക് കൈമാറി.
ചോദ്യം ചെയ്യലില്, താന് ഐ.എസ്.ഐയുമായി ബന്ധപ്പെട്ട് പ്രവര്ത്തിച്ചിരുന്നുവെന്നും എന്നാല് ഇനി ഇന്ത്യയില് താമസിക്കാനാണ് ആഗ്രഹമെന്നും അറിയിച്ചു. നിലപാട് ആവര്ത്തിച്ചതോടെ റഫീഖിനെ അജ്ഞാത കേന്ദ്രത്തിലേക്ക് മാറ്റി വിശദമായി ചോദ്യം ചെയ്തു വരികയാണ്.
https://www.facebook.com/Malayalivartha
