ഡല്ഹി തെരഞ്ഞെടുപ്പ്; തെറ്റുപറ്റി:അരവിന്ദ് കെജ്രിവാള്
ഡല്ഹി മുനിസിപ്പല് തിരഞ്ഞെടുപ്പില് പാര്ട്ടിക്ക് വീഴ്ച വന്നുവെന്നും ഇതേക്കുറിച്ച് പരിശോധിച്ച് തെറ്റുകള് തിരുത്തുമെന്നും മുഖ്യമന്ത്രിയും ആം ആദ്മി പാര്ട്ടി കണ്വീനറുമായ അരവിന്ദ് കെജ്രിവാള് പറഞ്ഞു. കെജ്രിവാളിന്റെ ഏകാധിപത്യ നിലപാടുകളാണ് ഡല്ഹിയിലെ തോല്വിക്ക് കാരണമെന്ന് ആക്ഷേപം ഉയര്ന്ന പശ്ചാത്തലത്തിലാണ് അദ്ദേഹം നിലപാട് വ്യക്തമാക്കിയത്. ഡല്ഹി മുനിസിപ്പല് തിരഞ്ഞെടുപ്പില് ബി.ജെ.പി മികച്ച വിജയം നേടിയിരുന്നു. ആം ആദ്മി പാര്ട്ടിക്ക് 48 സീറ്റ് മാത്രമെ തിരഞ്ഞെടുപ്പില് നേടാനിയിരുന്നുള്ളൂ.
യാഥാര്ത്ഥ്യം എന്താണെന്ന് വ്യക്തമാണ്. ഞങ്ങള്ക്ക് തെറ്റുപറ്റി. അത് തിരുത്തുന്നതിനുള്ള നടപടികള് ഉണ്ടാവും. മുടന്തന് ന്യായങ്ങളല്ല ആവശ്യം, തിരുത്തലുകളാണ്. തിരുത്തല് നടപടികള് ഉണ്ടാവുമെന്ന് ജനങ്ങള്ക്ക് ഉറപ്പു നല്കുന്നു-കെജ്രിവാള് പറഞ്ഞു.
ജനങ്ങള്ക്ക് ഈ സര്ക്കാരില് ഏറെ പ്രതീക്ഷയാണുള്ളത്. അത് നിറവേറ്റിയേ മതിയാവൂ. ഇല്ലെങ്കില് പാര്ട്ടിക്ക് തിരിച്ചടിയുണ്ടാവുമെന്നും അദ്ദേഹം കൂട്ടിച്ചേര്ത്തു.
ബി.ജെ.പി ഡല്ഹി മുനിസിപ്പല് തിരഞ്ഞെടുപ്പില് വിജയിച്ചാല് അത് വോട്ടിംഗ് യന്ത്രങ്ങളിലെ കൃത്രിമം കൊണ്ടായിരിക്കുമെന്ന് കെജ്രിവാള് നേരത്തെ പറഞ്ഞിരുന്നു. എന്നാല്, ഇപ്പോള് ആ ആരോപണം അദ്ദേഹം ഉന്നയിച്ചില്ല. ഇതോടൊപ്പം പാര്ട്ടിക്കെതിരെ ഗൂഢാലോചന നടന്നെന്ന ആരോപണവും കെജ്രിവാള് വിഴുങ്ങി.
https://www.facebook.com/Malayalivartha
