തമിഴ്‌നാട് തിരുച്ചിറപ്പള്ളിയില്‍ ഇന്നു വെളുപ്പിനെ വാനും ലോറിയും കൂട്ടിയിടിച്ച് ഉണ്ടായ അപകടത്തില്‍ രണ്ടു മലയാളികള്‍ കൊല്ലപ്പെട്ടു. കൊച്ചിയില്‍ നിന്ന് വിനോദ സഞ്ചാരികളുമായി പോയ വാനാണ് ലോറിയുമായി കൂട്ടിയിടിച്ചത്. അപകടത്തില്‍ 25 പേര്‍ക്ക് പരിക്കേറ്റു ഇവരില്‍ രണ്ടു പേരുടെ നില ഗുരുതരമാണ്. വാന്‍ െ്രെഡവര്‍ ഉറങ്ങി പോയതാണ് അപകടത്തിന് കാരണമെന്ന് കരുതുന്നു.

മരിച്ചവരുടെ കൃത്യമായ വിവരങ്ങള്‍ ലഭിച്ചിട്ടില്ല. ഒരാള്‍ എറണാകുളം സ്വദേശിയാണെന്ന് സ്ഥിതീകരിച്ചിട്ടുണ്ട്. ഗുരുതരാവസ്ഥയിലുള്ള രണ്ടു പേരൊഴികെ മറ്റുള്ളവര്‍ക്ക് കാര്യമായ പരിക്കുകളില്ല. അപകടത്തില്‍ കൊല്ലപ്പെട്ട രണ്ടു പേരുടെയും മൃതദേഹങ്ങള്‍ തിരുച്ചിറപ്പള്ളി സര്‍ക്കാര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.