അഫ്ഗാനിസ്താനിലെ പക്ടിയയില്‍ നടന്ന ബോംബാക്രമണത്തില്‍ അഞ്ചു പൊലീസുകാര്‍ കൊല്ലപ്പെട്ടു. ഒമ്പതു പേര്‍ക്ക് പരിക്കേറ്റു. ഗര്‍ദെസ് നഗരത്തില്‍ പൊലീസ് ഹെഡ്ക്വാര്‍ട്ടേഴ്‌സിന് സമീപമാണ് ആക്രമണം നടന്നത്. ഇന്ന് രാവിലെ ആറരയോശടയാണ് സംഭവം. 

പാര്‍ക്കിങ്ങ് ഏരിയയിലെത്തിയ അക്രമികളിലൊരാള്‍ പൊട്ടിത്തെറിക്കുകയായിരുന്നു. സമീപത്തുണ്ടായിരുന്ന മൂന്നുപേരും പാര്‍ക്കിങ്ങ് ഏരിയയിലേക്ക് വരികയായിരുന്ന രണ്ടുപേരുമാണ് മരിച്ചത്. ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തു.