അനാഥാലയത്തില് പീഡനത്തിനിരയായ പെണ്കുട്ടി ഗര്ഭിണിയായി
അനാഥാലയത്തില് പെണ്കുട്ടി പീഡനത്തിനിരയായി ഗര്ഭിണിയായ കേസില് സ്ഥാപനത്തിന്റെ നടത്തിപ്പുകാരന് അറസ്റ്റിലായി. സെക്കന്ദരാബാദിലെ അനാഥാലയ നടത്തിപ്പുകാരനായ സുനിത് കുമാര് ആണ് അറസ്റ്റിലായത്. പീഡന വിവരം പുറത്ത് പറയരുതെന്ന് സുനിത് പെണ്കുട്ടിയെ ഭീഷണിപ്പെടുത്തിയിരുന്നതായി പൊലീസ് പറഞ്ഞു.
പെണ്കുട്ടി പീഡിപ്പിക്കപ്പെട്ടു എന്ന് ചൂണ്ടിക്കാട്ടി ബന്ധുക്കള് പൊലീസില് പരാതി നല്കിയിരുന്നു. അന്വേഷണത്തില് ഇത് സത്യമാണെന്ന് തെളിഞ്ഞതോടെയാണ് സുനിത്തിനെ അറസ്റ്റ് ചെയ്തത്. സുനിത്തിനെതിരെ ഇത്തരത്തില് നിരവധി ആരോപണങ്ങള് ഉയര്ന്നിരുന്നെങ്കിലും പരാതിപ്പെടാന് ആരും തയ്യാറായിരുന്നില്ല.
സുനിത്തിന്റെ ഉപദ്രവം സഹിക്കവയ്യാതെ പലരും ജോലി ഉപേക്ഷിച്ച് പോയിട്ടുണ്ട്. സുനിത്തിനെതിരെ ബലാത്സംഗം, കുട്ടികള്ക്കെതിരായ അതിക്രമം തടയുന്നതിനുള്ള നിയമം അടക്കമുള്ളവ ചുമത്തി കേസെടുത്തിട്ടുണ്ട്. 1987ല് ആരംഭിച്ച അനാഥാലയത്തില് ആണ്കുട്ടികളും പെണ്കുട്ടികളും ഉണ്ട്.
https://www.facebook.com/Malayalivartha
