ആദ്യ വെളിപ്പെടുത്തല് ... പെണ് കുഞ്ഞായതിനാല് തന്നെ കൊന്നുകളയാന് നിര്ദേശിച്ചെന്ന് മന്ത്രി സ്മൃതി ഇറാനി
പെണ്കുഞ്ഞ് കുടുംബത്തിന് ബാധ്യതയാകുമെന്ന് പറഞ്ഞ് ചിലര് തന്നെ കൊന്നുകളയാന് നിര്ദേശിച്ചതായി കേന്ദ്ര മാനവ വിഭവശേഷി മന്ത്രി സ്മൃതി ഇറാനി പറഞ്ഞു. പക്ഷേ തന്നെ കൊല്ലാന് തന്റെ അമ്മ തയ്യാറല്ലായിരുന്നെന്നും സ്മൃതി കൂട്ടിച്ചേര്ത്തു. പെണ്ഭ്രൂണഹത്യയെ കുറിച്ച് ഭോപ്പാലില് നടന്ന ഒരു സംവാദത്തിലാണ് മന്ത്രി ഞെട്ടിപ്പിക്കുന്ന വെളിപ്പെടുത്തല് നടത്തിയത്.
പ്രശസ്ത സിനിമാ-സീരിയല് നടി കൂടിയാണ് സ്മൃതി ഇറാനി. പണ്കുഞ്ഞിനെ വളര്ത്താനായി നിലകൊണ്ട ധീരയായ ഒരമ്മയാണ് തന്നെ ഇപ്പോള് ഇവിടെ നില്ക്കാന് പ്രാപ്തയാക്കിയതെന്നും അവര് പറഞ്ഞു.
ഒരു പെണ്കുട്ടിയ്ക്ക് വിദ്യാഭ്യാസം നല്കുമ്പോള് രാജ്യത്തിന് വലിയ സംഭാവനയാണ് അവളുടെ മാതാപിതാക്കള് നല്കുന്നതെന്ന് സ്മൃതി ഇറാനി പറഞ്ഞു. പെണ്ഭ്രൂണഹത്യ ഇല്ലാതാക്കുന്നിനുള്ള പ്രവര്ത്തനത്തിന് സര്ക്കാര് വലിയ പ്രാധാന്യമാണ് നല്കുന്നതെന്നും അവര് കൂട്ടിച്ചേര്ത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
