കാഴ്ച പരിമിതരായ സ്കൂൾ കുട്ടികളുടെ കായിക മത്സരങ്ങൾക്ക് സാമ്പത്തിക പിന്തുണ നൽകി യു എസ് ടി: ക്രിക്കറ്റ് അസോസിയേഷൻ ഫോർ ദി ബ്ലൈൻഡ് ഇൻ കേരള സംഘടിപ്പിച്ച മത്സരങ്ങൾക്ക് പിന്തുണയായി യു എസ് ടി നൽകിയത് 4 ലക്ഷത്തിലധികം രൂപ...
കാഴ്ച പരിമിതിയുള്ള സ്കൂൾ വിദ്യാർത്ഥികൾക്കായി ക്രിക്കറ്റ് അസോസിയേഷൻ ഫോർ ദി ബ്ലൈൻഡ് ഇൻ കേരള (സിഎബികെ) സംഘടിപ്പിച്ച ക്രിക്കറ്റ് ടൂർണമെന്റിന്റെയും ഇൻക്ലൂസീവ് സ്പോർട്സ് അത്ലറ്റിക്സ് മത്സരങ്ങളുടെയും സുഗമമായ നടത്തിപ്പിനായി പ്രമുഖ എ ഐ, ഡിജിറ്റൽ ട്രാൻസ്ഫോർമേഷൻ സൊല്യൂഷൻസ് കമ്പനിയായ യു എസ് ടി സാമ്പത്തിക സഹായം നൽകി. കമ്പനിയുടെ കോർപ്പറേറ്റ് സോഷ്യൽ റെസ്പോൺസിബിലിറ്റി (സിഎസ്ആർ) വിഭാഗമാണ് ഈ സാമ്പത്തിക സഹായം കൈമാറിയത്. ക്രിക്കറ്റ് അസോസിയേഷൻ ഫോർ ദി ബ്ലൈൻഡ് ഇൻ കേരളയുടെ ഈ കായിക സംരംഭങ്ങൾക്കായി യു എസ് ടി 4 ലക്ഷത്തിലധികം രൂപയാണ് കൈമാറിയത്.
കാഴ്ച പരിമിതരായ സ്കൂൾ കുട്ടികളെ പങ്കെടുപ്പിച്ചു കൊണ്ടുള്ള ക്രിക്കറ്റ് ടൂർണമെന്റും മൾട്ടി-ഡിസിപ്ലിനറി സ്പോർട്സ് മത്സരങ്ങളും വിഴിഞ്ഞത്തുള്ള കോട്ടപ്പുറം സെന്റ് മേരീസ് എച്ച്എസ് സ്കൂളിലാണ് സി എ ബി കെ വിജയകരമായി സംഘടിപ്പിച്ചത്. സംസ്ഥാനത്തുടനീളമുള്ള 125 കാഴ്ച പരിമിതരായ സ്കൂൾ വിദ്യാർത്ഥികൾ മത്സരങ്ങളിൽ പങ്കെടുത്തു.
സ്കൂൾ കുട്ടികളുടെ ശാരീരിക വികസനം, സാമൂഹിക ഇടപെടൽ, കായിക വിനോദങ്ങളിലൂടെ കഴിവുകൾ തിരിച്ചറിയൽ എന്നിവയ്ക്കുള്ള ഒരു വേദിയായി ഈ മത്സരങ്ങൾ മാറുകയായിരുന്നു. ഈ സംരംഭങ്ങളെ പിന്തുണയ്ക്കുക വഴി, ഏവരെയും ഉൾക്കൊള്ളുന്ന വികസനത്തിനും തുല്യ അവസരങ്ങൾ ഉറപ്പാക്കാനുമുള്ള യു എസ് ടിയുടെ പ്രതിബദ്ധത വീണ്ടും ഉറപ്പിക്കപ്പെട്ടു.
“കാഴ്ച പരിമിതരായ സ്കൂൾ വിദ്യാർത്ഥികലെ പങ്കെടുപ്പിച്ചു കൊണ്ട് ക്രിക്കറ്റ് അസോസിയേഷൻ ഫോർ ദി ബ്ലൈൻഡ് ഇൻ കേരള (സി എ ബി കെ) സംഘടിപ്പിച്ച ക്രിക്കറ്റ് ടൂർണമെന്റിന്റെയും ഇൻക്ലൂസീവ് സ്പോർട്സ് അത്ലറ്റിക്സ് മത്സരങ്ങളുടെയും നടത്തിപ്പിനായി സാമ്പത്തിക പിന്തുണ നൽകാൻ കഴിഞ്ഞു എന്നത് യു എസ് ടി യുടെ സി എസ് ആർ വിഭാഗത്തിന് ഏറെ അഭിമാനം നൽകുന്നു. ഇത്തരം സംരംഭങ്ങളിലൂടെ ഏവരെയും ഉൾക്കൊള്ളുന്ന വികസനത്തിനും തുല്യ അവസരങ്ങൾ ഉറപ്പാക്കാനുമുള്ള ശ്രമങ്ങൾക്ക് ആക്കം കൂട്ടാൻ കഴിയുന്നതിൽ ഞങ്ങൾക്ക് സന്തോഷമുണ്ട്,” യു എസ് ടി യുടെ ഇന്ത്യ സി എസ് ആർ ലീഡ് വിനീത് മോഹനൻ പറഞ്ഞു.
തിരുവനന്തപുരത്ത് സംഘടിപ്പിച്ച സ്കൂൾ ക്രിക്കറ്റ് ടൂർണമെന്റിന്റെ ഉദ്ഘാടന വേളയിൽ വേൾഡ് ബ്ലൈൻഡ് ക്രിക്കറ്റ് കൗൺസിൽ സെക്രട്ടറി ജനറൽ രജനീഷ് ഹെൻറി; അദാനി വിഴിഞ്ഞം പോർട്ട് പ്രൈവറ്റ് ലിമിറ്റഡ് കോർപ്പറേറ്റ് അഫയേഴ്സ് വിഭാഗം മേധാവി ഡോ. അനിൽ ബാലകൃഷ്ണൻ; വിഴിഞ്ഞം കോട്ടപ്പുറം സെന്റ് മേരീസ് എച്ച്എസ് സ്കൂൾ മാനേജർ റവ. ഡോ. നിക്കോളാസ് താർസിയസ്; വിഴിഞ്ഞം പോർട്ട് വാർഡ് കൗൺസിലർ പനിയഡിമ ജോൺ; വിഴിഞ്ഞം കോട്ടപ്പുറം സെന്റ് മേരീസ് എച്ച്എസ് സ്കൂൾ ഹെഡ്മിസ്ട്രസ് സുനി ടി; അദാനി ഫൗണ്ടേഷൻ സി എസ് ആർ മേധാവി സെബാസ്റ്റ്യൻ ബ്രിട്ടോ എ.ജി; യുഎസ് ടിയുടെ ഇന്ത്യ സിഎസ്ആർ ലീഡ് വിനീത് മോഹനൻ; യു എസ് ടി സിഎസ്ആർ അംബാസഡർ നന്ദ് സുന്ദരം; യു എസ് ടി പിആർ ആൻഡ് മാർക്കറ്റിംഗ് സീനിയർ ലീഡ് റോഷ്നി ദാസ് കെ തുടങ്ങിയവർ പങ്കെടുത്തു.
https://www.facebook.com/Malayalivartha
