ബംഗാള് മുഖ്യമന്ത്രി മമത ബാനര്ജി നിയമത്തിന് അതീതയല്ലെന്ന് സുപ്രീംകോടതി
ആധാര് കേസില് കേന്ദ്ര സര്ക്കാരിനെതിരേ സുപ്രീംകോടതിയെ സമീപിച്ച ബംഗാള് മുഖ്യമന്ത്രി മമത ബാനര്ജിക്ക് കനത്ത തിരിച്ചടി. മമതയ്ക്കെതിരേ സുപ്രീംകോടതി രൂക്ഷ വിമര്ശനം ഉന്നയിച്ചു. മൊബൈല് ഫോണ് സിം കാര്ഡുകള് ആധാറുമായി ബന്ധിപ്പിക്കണമെന്ന കേന്ദ്ര ഉത്തരവ് ചോദ്യം ചെയ്താണ് ബംഗാള് സര്ക്കാര് കോടതിയെ സമീപിച്ചിരുന്നത്. ഈ ഹര്ജിക്കെതിരേയാണ് കോടതി വിമര്ശനം ഉന്നയിച്ചത്.
മൊബൈല് സിം കാര്ഡുകള് ആധാറുമായി ബന്ധിപ്പിക്കണമെന്ന നിയമം പാര്ലമെന്റ് പാസാക്കിയതാണ്. പാര്ലമെന്റ് പാസാക്കിയ ഒരു നിയമം പാലിക്കില്ലെന്ന് ഒരു സംസ്ഥാനത്തിന് എങ്ങനെ പറയാന് കഴിയുമെന്നും അത് തെറ്റായ കീഴ് വഴക്കമല്ലേ എന്നും കോടതി ചോദിച്ചു. മുഖ്യമന്ത്രി മമത ബാനര്ജി നിയമത്തിന് അതീതയല്ലെന്ന് നിരീക്ഷിച്ച കോടതി, ആധാര് കേസില് എതിര്പ്പുണ്ടെങ്കില് മമതയ്ക്ക് വ്യക്തിപരമായി കോടതിയെ സമീപിക്കാവുന്നതാണെന്നും സംസ്ഥാന സര്ക്കാരിന്റെ പേരിലുള്ള ഹര്ജി അനുവദിക്കാന് കഴിയില്ലെന്നും വ്യക്തമാക്കി.
മൊബൈല് സിം കാര്ഡ് ആധാറുമായി ബന്ധിപ്പിക്കണമെന്ന കേന്ദ്ര ഉത്തരവ് പാലിക്കില്ലെന്നും തന്റെ സിം വേണമെങ്കില് റദ്ദാക്കിക്കൊള്ളൂ എന്നുമാണ് മമത വെല്ലുവിളിച്ചത്. ഇതിന് പിന്നാലെയാണ് ആധാര് നിബന്ധന ചോദ്യം ചെയ്ത് ബംഗാള് സര്ക്കാര് സുപ്രീംകോടതിയെ സമീപിച്ചത്.
https://www.facebook.com/Malayalivartha
