ഗുജറാത്ത് നിയമസഭ തിരഞ്ഞെടുപ്പിന്റെ രണ്ടാമത്തെയും അവസാനത്തെയും ഘട്ട വോട്ടെടുപ്പ് ഇന്ന് നടക്കും. ഭരണം നിലനിര്‍ത്താന്‍ ഒരുങ്ങുന്ന ബി ജെ പിക്കും ബി ജെ പിയെ അട്ടിമറിക്കാമെന്ന് പ്രതീക്ഷിക്കുന്ന കോണ്‍ഗ്രസിനും ഒരുപോലെ നിര്‍ണായകമാണ് ഇന്നത്തെ വോട്ടെടുപ്പ്.

14 ജില്ലകളിലായി 93 മണ്ഡലങ്ങളിലാണ് ഇന്ന് വോട്ടെടുപ്പ് നടക്കുന്നത്. ആകെ 851 സ്ഥാനാര്‍ഥിമാര്‍ അവസാന ഘട്ടത്തില്‍ ജനവിധി തേടുന്നുണ്ട്. മധ്യ, വടക്കന്‍ മേഖലകളിലെ 2.2 കോടി പേര്‍ സമ്മതിദാനാവകാശം വിനിയോഗിക്കും.

ഡിസംബര്‍ 9 ശനിയാഴ്ചയായിരുന്നു ഗുജറാത്തിലെ ഒന്നാം ഘട്ട തിരഞ്ഞെടുപ്പ്. ഒന്നാം ഘട്ട വോട്ടെടുപ്പില്‍ 66.75 ശതമാനം പേരാണ് വോട്ട് ചെയ്തത്. ഡിസംബര്‍ 18 തിങ്കളാഴ്ചയാണ് ഫലപ്രഖ്യാപനം.

ഫലപ്രഖ്യാപനം ഡിസംബര്‍ 18നാണ് നടക്കുക. നേരത്തെ, അശ്ലീല സിഡികള്‍ നിര്‍മ്മിക്കാനുള്ള തിരക്കിനിടെ ബിജെപി പ്രകടന പത്രികയുണ്ടാക്കാന്‍ മറന്നെന്ന് പട്ടീദാര്‍ നേതാവ് ഹാര്‍ദിക് പട്ടേല്‍ പരിഹസിച്ചിരുന്നു.

ഗുജറാത്ത് തിരഞ്ഞെടുപ്പിന് ഒരു ദിവസം മാത്രം അവശേഷിക്കുമ്‌ബോഴാണ് പ്രകടന പത്രിക ഇല്ലാത്തതിന്റെ പേരില്‍ ബിജെപിക്കു നേരെ വിമര്‍ശനമുയരുന്നത്. നേരത്തേ രാഹുല്‍ ഗാന്ധിയും ഈ വിഷയത്തില്‍ വിമര്‍ശനവുമായി രംഗത്തെത്തിയിരുന്നു. പ്രകടന പത്രിക പുറത്തിറക്കാതെ ബിജെപി ഗുജറാത്തിലെ ജനങ്ങളെ അവഹേളിക്കുകയാണെന്നാണ് രാഹുല്‍ ട്വീറ്റ് ചെയ്തത്.

സങ്കല്‍പ് പത്രിക എന്ന പേരിലാണ് പ്രകടന പത്രിക. മൊത്ത ആഭ്യന്തര ഉത്പാദനത്തില്‍ (ജിഎസ്ഡിപി) ഏറ്റവും കൂടുതല്‍ വര്‍ധന രേഖപ്പെടുത്തിയ സംസ്ഥാനം ഗുജറാത്താണെന്ന് പത്രിക പുറത്തിറക്കിക്കൊണ്ട് കേന്ദ്ര ധനമന്ത്രി അരുണ്‍ ജെയ്റ്റ്‌ലി അവകാശപ്പെട്ടു. ഭരണഘടനാപരമായി അസാധ്യവും സാമ്ബത്തികമായി അസംഭവ്യവുമായതാണ് കോണ്‍ഗ്രസ്സിന്റെ ഗുജറാത്ത് ദര്‍ശനമെന്നും അദ്ദേഹം കുറ്റപ്പെടുത്തി. സംസ്ഥാനത്തിന്റെ ഐക്യവും ജനങ്ങളുടെ ഉന്നതിയുമാണ് ബിജെപി ലക്ഷ്യമാക്കുന്നതെന്നും ജെയ്റ്റ്‌ലി പറഞ്ഞു. ജാതീയധ്രുവീകരണം കോണ്‍ഗ്രസ്സിന് ദോഷമേ ചെയ്യൂ എന്നും ജെയ്റ്റ്‌ലി കൂട്ടിച്ചേര്‍ത്തു.

കഴിഞ്ഞ അഞ്ച് വര്‍ഷത്തിനിടെ മറ്റു സംസ്ഥാനങ്ങളെ അപേക്ഷിച്ച് 10 ശതമാനം വര്‍ധനയാണ് ആഭ്യന്തര ഉത്പാദനത്തില്‍ ഗുജറാത്ത് നേടിയതെന്നും ജെയ്റ്റ്‌ലി പറഞ്ഞു. കോണ്‍ഗ്രസ് കഴിഞ്ഞ തിങ്കളാഴ്ച തന്നെ പ്രകടന പത്രിക പുറത്തിറക്കിയിരുന്നു.

പ്രകടന പത്രിക പുറത്തിറക്കാത്തതിന്റെ പേരില്‍ കോണ്‍ഗ്രസും പാട്ടിദാര്‍ സമിതിയും ബിജെപിയെ വിമര്‍ശിക്കുകയും ചെയ്തിരുന്നു. പ്രചാരണം അവസാനിക്കുന്നതിന് മുമ്ബ് പ്രകടന പത്രിക പുറത്തിറക്കാന്‍ പോലും ബിജെപിക്കായില്ലെന്ന് കോണ്‍ഗ്രസ് കുറ്റപ്പെടുത്തിയിരുന്നു. ഇതിനു പിന്നാലെയാണ് ഒന്നാം ഘട്ട തിരഞ്ഞെടുപ്പിന് തലേദിവസം പ്രകടന പത്രിക ഇറക്കിയിരിക്കുന്നത്.

ബിജെപിക്കെതിരെ കടുത്ത പരിഹാസവുമായാണ് ഹര്‍ദിക് പട്ടേല്‍ രംഗത്ത് വന്നിരുന്നത്. ഗുജറാത്തില്‍ തിരഞ്ഞെടുപ്പ് നടക്കാന്‍ ഒരു ദിവസം ഇരിക്കെയാണ് ബിജെപി പ്രകടന പത്രിക ഇറക്കുന്നത് ഇതിനെതിരെയാണ് പരിഹാസവുമായി ഹാര്‍ദിക് പട്ടേല്‍ രംഗത്തെത്തിയത്. തിരഞ്ഞെടുപ്പിന് വേണ്ടി ലൈംഗീക സിഡി ഉണ്ടാക്കുന്ന തിരക്കിലായിരുന്നതിനാല്‍ തിരഞ്ഞെടുപ്പ് പത്രികയുണ്ടാക്കാന്‍ മറന്നുപോയെന്ന് അദ്ദേഹം പരിഹസിച്ചു.

ഹിന്ദിയില്‍ ട്വിറ്ററില്‍ പോസ്റ്റു ചെയ്ത സന്ദേശത്തിലാണ് ഹര്‍ദിക് പട്ടേല്‍ കടുത്ത പരിഹാസം ഉന്നയിച്ചിരിക്കുന്നത്. നേരത്തേ നിയുക്ത കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും ഈ വിഷയത്തില്‍ വിമര്‍ശനവുമായി രംഗത്തെത്തിയിരുന്നു.