സത്‌നാംസിങ് കൊലക്കേസിന്റെ കുറ്റപത്രം വായിക്കാനുള്ള പ്രാഥമിക നിയമനടപടി അടുത്ത മാസം ഒന്നിന് കോടതി പരിഗണിക്കും. കേസ് പരിഗണിക്കുന്ന സമയങ്ങളില്‍ നിരന്തരമായി ഹാജരാകാത്ത, കേസിലെ മൂന്നും ആറും പ്രതികളായ മഞ്ചേഷ്, ദിലീപ് എന്നിവര്‍ക്കെതിരെ കോടതി അറസ്റ്റ് വാറന്റ് പുറപ്പെടുവിച്ചു. തിരുവനന്തപുരം അഞ്ചാം അഡീഷനല്‍ സെഷന്‍സ് കോടതിയുടേതാണ് ഉത്തരവ്.നാലാം പ്രതി ബിജു ആത്മഹത്യ ചെയ്തിരുന്നു. അനില്‍കുമാര്‍, വിവേകാനന്ദന്‍, പ്രതീഷ് എന്ന ശരത് പ്രകാശ്, മഞ്ചേഷ്, ദിലീപ് എന്നീ അഞ്ചുപ്രതികളാണ് വിചാരണ നേരിടാന്‍ പോകുന്നത്. 

2012 ആഗസ്റ്റ് നാലിനാണ് ബിഹാര്‍ ഗയാ ജില്ല സ്വദേശിയായ സത്‌നാംസിങ് മാന്‍ മരണപ്പെടുന്നത്. 2012 ഡിസംബര്‍ ഒന്നിന് കോടതിയില്‍ കുറ്റപത്രം സമര്‍പ്പിച്ചു. പേരൂര്‍ക്കട മാനസികാരോഗ്യ കേന്ദ്രത്തിലെ രണ്ട് ജീവനക്കാരും നാല് പുനരധിവാസരോഗികളും ചേര്‍ന്നാണ് കൊലനടത്തിയതെന്നായിരുന്നു െ്രെകം ബ്രാഞ്ച് സമര്‍പ്പിച്ച കുറ്റപത്രത്തില്‍ ഉണ്ടായിരുന്നത്. 171 പേജുള്ള കുറ്റപത്രത്തില്‍ 79 സാക്ഷികളും109 രേഖകളും ഏഴ് തൊണ്ടിമുതലുകളും ഉണ്ടായിരുന്നു. 
മാനസികാരോഗ്യകേന്ദ്രത്തിലുണ്ടായ തര്‍ക്കത്തില്‍ ക്ഷുഭിതരായ പ്രതികള്‍ കേബിള്‍ വയര്‍ ഉള്‍പ്പെടെ ആയുധങ്ങള്‍ കൊണ്ട് നടത്തിയ മര്‍ദ്ദനത്തെത്തുടര്‍ന്ന് 2012 ആഗസ്റ്റ് നാലിന് രാത്രി എട്ടരക്ക് കൊല്ലപ്പെട്ടു എന്നാണ് പൊലീസ് കേസ്.