സകല പ്രചാരണങ്ങളെയും തള്ളി മന്ത്രി എ കെ ബാലൻ. തന്റെ ഭാര്യ ജമീല ബാലനെ തിരഞ്ഞെടുപ്പില്‍ മത്സരിപ്പിക്കാന്‍ നീക്കം നടത്തുന്നുവെന്ന റിപ്പോര്‍ട്ടുകള്‍ ശുദ്ധ അസംബന്ധമെന്ന് അദ്ദേഹം പ്രതികരിച്ചു. ജില്ലാ കമ്മിറ്റിയില്‍ ഇത്തരമൊരു ചര്‍ച്ചയെ നടന്നിട്ടില്ല. പ്രാഥമിക ചര്‍ച്ചയില്‍ പലരുടേയും പേരുകള്‍ വരുമെന്നിരിക്കാം എന്നാൽ ഇപ്പോൾ പ്രചരിക്കുന്നതിനെല്ലാം മുന്‍കൂട്ടിയുണ്ടാക്കിയ തിരക്കഥ പിന്നിലുണ്ടെന്നും എ കെ ബാലന്‍ പറഞ്ഞു.

ജില്ലാ സെക്രട്ടറിയേറ്റില്‍ ആരുടെയൊക്കെ പേര് വന്നുവെന്ന് തന്നെ കൊണ്ട് പറയിപ്പിക്കുക എന്നതാണ് നിങ്ങളുടെ ഉദേശമെങ്കില്‍ അത് നടക്കില്ല. വസ്‌തുതകള്‍ക്ക് നിരക്കുന്ന വാര്‍ത്തകളല്ല പുറത്തുവന്നത്. ഒരു സ്ഥലത്ത് നിന്ന് തയ്യാറായ തിരക്കഥയ്‌ക്ക് അനുസരിച്ചുളള നാടകമാണ് നടന്നതെന്നും എ കെ ബാലന്‍ പ്രതിക്കരിച്ചു.

നാല് തവണ മത്സരിച്ച എ കെ ബാലന്‍ മാറുന്ന ഒഴിവിലേയ്‌ക്ക് ഭാര്യയെ പരിഗണിക്കുമെന്നായിരുന്നു പ്രചാരണം. തരൂര്‍, കോങ്ങാട് മണ്ഡലങ്ങളിലേക്കായിരുന്നു ജമീലയെ പരിഗണിച്ചത്. എന്നാല്‍ ഇന്നലെ ഉച്ചയ്‌ക്ക് ശേഷം നടന്ന സി പി എം ജില്ലാ സെക്രട്ടറിയേറ്റില്‍ ജമീലയുടെ സ്ഥാനാര്‍ത്ഥിത്വത്തിനെതിരെ എതിര്‍പ്പ് ഉയര്‍ന്നിരുന്നു.

കഴിഞ്ഞ ദിവസം പ​ത്ത​നം​തി​ട്ട ജി​ല്ലാ ക​മ്മി​റ്റി​യി​ല്‍ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ മത്സരിക്കുന്ന സി​പി​എം സ്ഥാ​നാ​ര്‍​ഥി​ക​ളു​ടെ സാ​ധ്യ​ത പ​ട്ടി​ക​ തയ്യാറായിരുന്നു . ആ​റ​ന്മു​ള​യി​ല്‍ വീ​ണ ജോ​ര്‍​ജും കോ​ന്നി​യി​ല്‍ കെ.​യു. ജ​നീ​ഷ് കു​മാ​റും മ​ത്സ​രി​ക്കും. ഇ​രു​വ​രു​ടെ​യും ര​ണ്ടാ​മൂ​ഴ​മാ​ണി​ത്.

എന്നാൽ റാ​ന്നി സീ​റ്റ് കേ​ര​ള കോ​ണ്‍​ഗ്ര​സി​ന് വി​ട്ടു​കൊ​ടു​ക്കു​ന്ന​തി​നോ​ട് എ​തി​ര്‍​പ്പു​യ​ര്‍ന്നിരുന്നു​. രാ​ജു എ​ബ്രാ​ഹ​മി​നെ വീ​ണ്ടും മ​ത്സ​രി​പ്പി​ക്ക​ണ​മെ​ന്ന് ഒ​രു വി​ഭാ​ഗം ആ​വ​ശ്യ​പ്പെടുകയുണ്ടായി . എ​ന്നാ​ല്‍ തു​ട​ര്‍​ച്ച​യാ​യി അ​ഞ്ച് പ്രാ​വ​ശ്യം റാ​ന്നി​യി​ല്‍ നി​ന്നും മ​ത്സ​രി​ച്ചു ജ​യി​ച്ച​യാ​ളാ​ണ് രാ​ജു എ​ബ്ര​ഹാം. ഒ​രു ത​വ​ണ​കൂ​ടി അ​ദ്ദേ​ഹ​ത്തെ മ​ത്സ​രി​പ്പി​ക്കാ​ന്‍ അ​നു​മ​തി ന​ല്‍​കു​ന്ന​തി​നാ​യി പ​ത്ത​നം​തി​ട്ട ജി​ല്ലാ സെ​ക്ര​ട്ടേ​റി​യ​റ്റ് യോ​ഗം ശി​പാ​ര്‍​ശ ചെ​യ്തിരുന്നു.

അതേ സമയം കൊല്ലത്ത് സിപിഎം സാധ്യതാ പട്ടിക തയ്യാറായി . എംഎല്‍എമാരായ എം.മുകേഷ്, എം.നൗഷാദ് എന്നിവര്‍ വീണ്ടും മത്സര രംഗത്ത് ഉണ്ടാകും. കഴിഞ്ഞ തവണ കൊല്ലത്ത് നാല് സീറ്റിലാണ് സിപിഎം മത്സരിച്ചത്. എന്നാല്‍ ഇത്തവണ ചവറ ഉള്‍പ്പെടെ അഞ്ച് സീറ്റില്‍ മത്സരിക്കാനാണ് തീരുമാനമെടുത്തിരിക്കുന്നത് . അന്തരിച്ച എംഎല്‍എ വിജയന്‍ പിള്ളയുടെ മകന്‍ സുജിത് വിജയനെ ചവറയില്‍ മത്സരിപ്പിക്കും.