സ്പോര്ട്സ് ക്വോട്ട നിയമനത്തിന് ബോഡി ബില്ഡിംഗ് ഒരു കായിക ഇനമേ അല്ല; ബോഡി ബില്ഡര്മാര്ക്ക് പോലീസ് ഇന്സ്പെക്ടര് നിയമനം നല്കിയ സര്ക്കാര് നടപടി; ചട്ടങ്ങള് മറികടന്ന നിയമനമെന്ന് എഐസിസി ജനറല് സെക്രട്ടറി കെസി വേണുഗോപാല് എംപി
ചട്ടങ്ങള് മറികടന്ന് സിപിഎം അനുഭാവികളായ ബോഡി ബില്ഡര്മാര്ക്ക് പോലീസ് ഇന്സ്പെക്ടര് നിയമനം നല്കിയ സര്ക്കാര് നടപടി കേരളത്തിലെ തൊഴില് രഹിതരോടുള്ള വെല്ലുവിളിയെന്ന് എഐസിസി ജനറല് സെക്രട്ടറി കെസി വേണുഗോപാല് എംപി.
സ്പോര്ട്സ് ക്വോട്ട നിയമനത്തിന് ബോഡി ബില്ഡിംഗ് ഒരു കായിക ഇനമേ അല്ല. ഇന്സ്പെക്ടര് തസ്തികയിലേക്ക് നേരിട്ട് സ്പോര്ട്സ് ക്വോട്ട നിയമനം പാടില്ലെന്ന ഉത്തരവും അട്ടിമറിച്ചു. പോലീസ് നിയമനത്തിന് പ്രായപരിധി 25 വയസാണെങ്കില് ഇവര് 40 ഉം 38ഉം വയസുള്ളവരാണ്.
സിപിഎമ്മിന് വേണ്ടി ഇന്ക്വിലാബ് വിളിച്ചു ശീലമുണ്ടെങ്കില് എഴുത്തുപരീക്ഷയും ഇന്റര്വ്യൂയും കായികക്ഷമതാ പരീക്ഷയും ഇല്ലാതെ നേരിട്ട് നിയമനം നല്കും. കഷ്ടപ്പെട്ട് പഠിച്ച് പരീക്ഷയും അഭിമുഖവും പാസായവര് സെക്രട്ടേറിയറ്റിനു മുന്നില് മുട്ടിലിഴഞ്ഞാലും ജോലിയില്ലെന്നും കെസി വേണുഗോപാല് പറഞ്ഞുയ
കഴിഞ്ഞ വര്ഷം ജനുവരിയില് മന്ത്രിസഭായോഗമാണ് ഇവരെ നേരിട്ടു നിയമിക്കാന് ആദ്യം തീരുമാനിച്ചെങ്കിലും വിവാദമായതോടെ കായികക്ഷമതാ പരീക്ഷ നടത്തിയെങ്കിലും ഒരാള് തോറ്റു. ഇയാള് അപേക്ഷ നല്കിയതിനെ തുടര്ന്ന് വീണ്ടും കായിക ക്ഷമതാ പരീക്ഷ നടത്താതെ നിയമിക്കാന് സര്ക്കാര് ഡിജിപിക്കു നിര്ദേശം നല്കിയത്യ സര്ക്കാരിന്റെ കാലാവധി തീരാറായതിനാല് പെട്ടെന്നു നിയമനം നല്കി ഉത്തരവിറക്കിയെന്നും കെസി വേണുഗോപാല് ചൂണ്ടിക്കാട്ടി.
https://www.facebook.com/Malayalivartha
