പ്രധാനമന്ത്രി നരേന്ദ്ര മോദിക്ക് നന്ദി പറഞ്ഞ് ലോക്സഭാ പ്രതിപക്ഷ നേതാവും വയനാട് മുൻ എംപിയുമായ രാഹുൽ ഗാന്ധി.  വയനാട്ടിൽ എത്തുന്നതിനോടനുബന്ധിച്ചാണ് പ്രതികരണം.   സമൂഹ മാധ്യമമായ എക്സിലൂടെയായിരുന്നു  രാഹുൽ ഗാന്ധി നന്ദിയറിയിച്ചത്  . 

വാക്കുകൾ ഇങ്ങനെ;- ‘‘ഭയാനകമായ ദുരന്തം നേരിട്ടറിയാൻ വയനാട് സന്ദർശിക്കുന്നതിനു നന്ദി മോദിജി. ഇതൊരു നല്ല തീരുമാനമാണ്. നാശത്തിന്റെ വ്യാപ്തി നേരിട്ട് കാണുമ്പോൾ പ്രധാനമന്ത്രി അതിനെ ദേശീയ ദുരന്തമായി പ്രഖ്യാപിക്കുമെന്ന് എനിക്ക് ഉറപ്പുണ്ട്''.

അതേസമയം പ്രധാനമന്ത്രി നരേന്ദ്രമോദി കണ്ണൂരിൽ വിമാനമിറങ്ങി .  മുഖ്യമന്ത്രിയും ഗവർണറും ചേർന്ന് അദ്ദേഹത്തെ സ്വീകരിച്ചു.  പ്രധാനമന്ത്രിക്കൊപ്പം  കേന്ദ്രസഹമന്ത്രി സുരേഷ് ഗോപിയും ഉണ്ട്. ഹെലികോപ്ടർ നിരീക്ഷണം ശക്തമാക്കിയിരുന്നു . കണ്ണൂരിൽ നിന്നും വ്യോമസേനയുടെ ഹെലികോപ്ടറിലാണ് അദ്ദേഹം   വയനാട്ടിലേക്ക് എത്തിയത്.