ദോഹ: ഫ്ലാറ്റിലെ സ്വിമ്മിങ്​പൂളില്‍ കുളിക്കുന്നതിനിടെ കോഴിക്കോട്​ സ്വദേശിയായ യുവാവ്​ മരിച്ചു. പന്തീരങ്കാവ്​ സ്വദേശി അഹമ്മദ്​ ശഫീഖ്​(34) ആണ്​ മരിച്ചത്​. ദോഹ ഹമദ്​ ആശുപത്രിയിലെ നെറ്റ്​വര്‍ക്ക്​ എഞ്ചിനീയറായിരുന്നു. വ്യാഴാഴ്​​ച രാത്രിയാണ്​ സംഭവം. കുളിക്കുന്നതിനിടയിൽ ഹൃദയാഘാതമുണ്ടായതാണ്​ മരണകാരണമെന്ന്​ കരുതുന്നു. നേരത്തെ, മനോരമ ന്യൂസില്‍ ബ്രോഡ്​കാസ്​റ്റ്​ എഞ്ചിനീയറായി ജോലി ചെയ്​തിരുന്നു. മൃതദേഹം ഹമദ്​ ആശുപത്രിയില്‍ സൂക്ഷിച്ചിരിക്കുകയാണ്​.