തെളിവില്ലായിരുന്നെങ്കിൽ ഞാനെന്നും ഈ സമൂഹത്തിന് മുന്നിൽ ഒരു തെറ്റുകാരനായേനെ... ആ നിമിഷം ജീവതത്തിൽ ഇനിയൊരിക്കലും മറക്കാനാവില്ല. വാ​ഹനാപകടത്തെ കുറിച്ച് ഓർക്കുമ്പോൾ ഭയം.. രാവിടെ മുതൽ വലിയ ബി​ഗ്ബ്രേക്കിങ് വാർത്തയായിരുന്നു നടൻ മണിയൻപിള്ള രാജു യാത്ര ചെയ്ത വാ​ഹനം അപകടത്തിൽ പെട്ടു എന്നത്. മദ്യപിച്ചുള്ള മധ്യപാനം ആശ്രദ്ധക്കുറവ് തുടങ്ങി നിരവധി ആരോപണങ്ങളാണ് നടനെതിരെ ഉയർന്നത്. എന്നാലിപ്പോൾ നടന്റെ ഭാ​ഗത്തല്ലായിരുന്നു തെളിവ് എന്ന് വ്യക്തമാക്കുന്ന സിസിടിവി ദ‍‍ൃശ്യങ്ങൾ പുറത്ത് വന്നിരിക്കുകയാണ്.

അതോടെ നടന്റെ പ്രതികരണവുമെത്തി.സിസിടിവി ദൃശ്യങ്ങൾ പുറത്തുവന്നതിനാൽ താൻ തെറ്റുകാരനല്ലെന്ന് തെളിഞ്ഞുവെന്ന് മണിയൻപിള്ള രാജു പറഞ്ഞു. അപകടത്തിൽ പരിക്കേറ്റവരെ സന്ദർശിക്കുമെന്നും നടൻ വ്യക്തമാക്കി.'സിസിടിവി ദൃശ്യങ്ങൾ ഞാൻ കണ്ടു. ഞാൻ ഈ അപകടത്തിൽ തെറ്റുകാരനല്ല. സ്വന്തമായി ഡ്രൈവർ ഇല്ല. ദീർഘദൂര ഓട്ടത്തിന് മാത്രമേ ഡ്രൈവറെ ഉപയോഗിക്കാറുള്ളൂ. ഞാൻ പതിയെ ആണ് വണ്ടി ഓടിക്കാറുള്ളത്. പൊന്നുപോലെയാണ് വണ്ടി സൂക്ഷിക്കുന്നത്. ഒരു അവാർഡ് ചടങ്ങിന് പോയിട്ട് തിരികെ വരികയായിരുന്നു. വണ്ടി വരുന്നുണ്ടോ എന്ന് നോക്കിയാണ് റോഡിലേക്ക് വാഹനം ഇറക്കിയത്.

ക്ലബ്ബിൽ നിന്ന് ഇറങ്ങിയപ്പോൾ റോഡ് ശൂന്യമായിരുന്നു. പെട്ടെന്ന് എവിടെനിന്നാണ് വണ്ടി വന്നതെന്ന് അറിയില്ല. ദൈവാനുഗ്രഹം കൊണ്ട് സിസിടിവി കിട്ടി. അല്ലെങ്കിൽ ഞാൻ തെറ്റുകാരനായേനെ. വണ്ടി തട്ടിയപ്പോൾ ഞാൻ ആകെ പേടിച്ചുപോയി. ഇറങ്ങാൻ പറ്റിയില്ല. ഉടനെ ഞാൻ ക്ലബ്ബിൽ വിളിച്ച് പറഞ്ഞു. പിന്നീട് പോലീസ് സ്റ്റേഷനിൽ വിളിച്ച് പറഞ്ഞു. വീട്ടിൽ ആരുമില്ല രാവിലെ എത്താമെന്ന് ഞാൻ അവരെ അറിയിച്ചു. അപകടത്തിൽപ്പെട്ട കുട്ടികൾ വേഗം രക്ഷപ്പെടട്ടെ. അവരെ പോയി കാണണം. ബൈക്കിനും കാറിനും നല്ല ചെലവ് വരും. അവരുമായി ബന്ധപ്പെടാൻ സാധിച്ചിട്ടില്ല' മണിയൻ പിള്ള രാജു പറഞ്ഞു.