അതിവേഗ റെയിൽ പദ്ധതി വേണമെന്ന ആവശ്യം ശക്തമാക്കി കേരളം മുന്നോട്ട് പോകുന്നതിനിടയിലാണ് റെയിൽ മന്ത്രി അശ്വിനി വൈഷ്ണവിൻ്റെ പ്രതികരണം. സംസ്ഥാനത്തിന് സമ്മതമെങ്കിൽ പുതിയ അതിവേഗ റെയിൽ പാത പരിഗണിക്കാമെന്ന് കേന്ദ്ര റെയിൽ മന്ത്രി അശ്വിനി വൈഷ്ണവ്. രാജ്യസഭയിൽ ആണ് കേന്ദ്രമന്ത്രി ഇക്കാര്യം അറിയിച്ചത്.

അതേസമയം ഇ ശ്രീധരൻ ഓഫിസ് തുറന്നത് കേന്ദ്ര നിർദേശപ്രകാരം ആണോ എന്ന ഡോ ജോൺ ബ്രിട്ടാസ് എംപിയുടെ ചോദ്യത്തിന് ശ്രീധരൻ ഓഫിസ് തുറന്നതിനെ സ്വാഗതം ചെയ്യുന്നു എന്ന് മാത്രമായിരുന്നു മന്ത്രിയുടെ മറുപടി.

അതിവേഗ റെയിൽ പദ്ധതി വേണമെന്ന ആവശ്യം ശക്തമാക്കി കേരളം മുന്നോട്ട് പോകുന്നതിനിടയിലാണ് റെയിൽ മന്ത്രി അശ്വിനി വൈഷ്ണവിൻ്റെ പ്രതികരണം. നേരത്തെ മുന്നോട്ട് വെച്ച സിൽവർ ലൈൻ പദ്ധതി പ്രായോഗികമല്ലെന്നും, അതേസമയം സംസ്ഥാനത്തിന് സമ്മതമെങ്കിൽ അതിവേഗ റെയിൽ പരിഗണിക്കാം എന്നാണ് മന്ത്രി വ്യക്തമാക്കിയത്.

സംസ്ഥാന സർക്കാർ ഭൂമി ഏറ്റെടുപ്പ് വേഗത്തിൽ നടത്തണമെന്നും അശ്വിനി വൈഷ്ണവ് പറഞ്ഞു. അതേസമയം മലപ്പുറത്ത് ഇ ശ്രീധരൻ അതിവേഗ റെയിൽ പദ്ധതിക്ക് ഓഫീസ് തുറന്നതിനെ സ്വാഗതം ചെയ്യുന്നുവെന്നും പറഞ്ഞു.