കുവൈത്തില് വ്യാജ സര്ട്ടിഫിക്കറ്റ് തയാറാക്കുന്ന റാക്കറ്റ് പിടിയില്; ഇന്ത്യന് എന്ജിനീയര്മാര്ക്ക് എന്.ഒ.സി നല്കുന്നത് കുവൈത്ത് എന്ജിനീയേഴ്സ് സൊസൈറ്റി താല്ക്കാലികമായി നിര്ത്തി
കുവൈത്തില് വ്യാജ സര്ട്ടിഫിക്കറ്റ് നിര്മിച്ച് നല്കുന്ന റാക്കറ്റ് പ്രവര്ത്തിക്കുന്നതായി മാനവ വിഭവ ശേഷി സമിതി. ഫഹാഹീല് കേന്ദ്രീകരിച്ച് വിദേശ തൊഴിലാളികള്ക്കായി വ്യാജ അറ്റസ്റ്റേഷന് ചെയ്തു കൊടുക്കുന്ന സ്വകാര്യ ഏജന്സിയിലെ ഏഴുപേരെ കഴിഞ്ഞ ആഴ്ച രഹസ്യാന്വേഷണ വിഭാഗം പിടികൂടിയിരുന്നു. ഇതിന്റെ അടിസ്ഥാനത്തിലാണ് ഇന്ത്യന് എന്ജിനീയര്മാര്ക്ക് എന്.ഒ.സി നല്കുന്നത് കുവൈത്ത് എന്ജിനീയേഴ്സ് സൊസൈറ്റി താല്ക്കാലികമായി നിര്ത്തിയത്. ഇതുമായി ബന്ധപ്പെട്ട് അധികൃതര് വിശദമായ അന്വേഷണം നടത്തും.
വര്ക്ക് പെര്മിറ്റ് പുതുക്കാന് വ്യാജ സര്ട്ടിഫിക്കറ്റ് തയാറാക്കി നല്കുന്നതിനൊപ്പം സര്ക്കാര് ഏജന്സികളുടെ വ്യാജ സീലുകള് ഉപയോഗിക്കുന്നതായും കണ്ടെത്തിയിട്ടുണ്ട്. വ്യാജ സര്വകലാശാല സര്ട്ടിഫിക്കറ്റുകള് നിര്മിച്ച് കുവൈത്തില് വിതരണം ചെയ്തുവന്ന കേസിലെ ഈജിപ്ത് പൗരനായ പ്രതിയെ ഇന്റര്പോളിന്റെ സഹായത്തോടെ കഴിഞ്ഞ മാസം കുവൈത്തിലെത്തിച്ച് പിടികൂടിയിരുന്നു. ഈജിപ്ഷ്യന് സര്വകലാ ശാലകളില്നിന്നുള്ള വ്യാജ സര്ട്ടിഫിക്കറ്റുകള് സംബന്ധിച്ച് നേരത്തെ നിരവധി പരാതി ഉയര്ന്നിരുന്നു.
ഇപ്പോള് ഇപ്പോള് ഇന്ത്യന് സംഘവും സജീവമാണെന്ന് വെളിപ്പെട്ടത് വരും ദിവസങ്ങളില് അധികൃതരെ കര്ശന നിരീക്ഷണത്തിനും നടപടികള്ക്കും പ്രേരിപ്പിക്കും. വ്യാജ സര്ട്ടിഫിക്കറ്റുമായി ബന്ധപ്പെട്ടവര്ക്കെതിരെ കര്ശന നടപടി സ്വീകരിക്കുമെന്ന് അധികൃതര് വ്യക്തമാക്കിയിട്ടുണ്ട്. ശമ്ബളമായും മറ്റ് ആനുകൂല്യങ്ങളായും ഇവര് നേടിയതൊക്കെയും തിരിച്ചുപിടിക്കുമെന്നാണ് അധികൃതരുടെ മുന്നറിയിപ്പ്.
https://www.facebook.com/Malayalivartha