ആയിരക്കണക്കിന് പ്രവാസി സംഘടനകളും സുമനസ്സുകളുമുള്ള അബുദാബിയിൽ, ഷാബിയ 9-ലെ കഠിനമായ വെയിലിലും തണുപ്പിലും സിമന്റ് സ്ലാബിന് മുകളിൽ അന്തിയുറങ്ങേണ്ടി വരുന്ന ഒരു മലയാളി യുവാവിന്റെ ദയനീയാവസ്ഥ പുറത്തു വന്നിരിക്കുന്നു.എക്സിമ രോഗം ബാധിച്ച് ശരീരം തളർന്നു പോയിട്ടും, തലചായ്ക്കാൻ ഒരിടമോ ചികിത്സിക്കാൻ വകയോ ഇല്ലാതെ ദുരിതക്കയത്തിലാണ് ഈ 34-കാരൻ. സ്വന്തം സഹോദരിമാരുടെ ജീവിതം കരുപിടിപ്പിക്കാൻ മറുനാട്ടിൽ വിയർപ്പൊഴുക്കിയ ഈ യുവാവിനെ രോഗം വന്നപ്പോൾ എല്ലാവരും കൈവിട്ടു.