രണ്ടു വര്‍ഷത്തെ ഇടവേളക്ക് ശേഷം കുടുംബ സന്ദര്‍ശക വിസകള്‍ നല്‍കുന്നത് പുനരാരംഭരിക്കാന്‍ കുവൈത്ത് ഒരുങ്ങുന്നു. ഇന്ന് മുതല്‍ നിയമം പ്രാബല്യത്തില്‍ വരും .കുവൈത്തിലെ ഒരു അറബ്പ്രാദേശിക ദിനപത്രമാണ് ഇക്കാര്യം റിപ്പോര്‍ട്ട്‌ചെയ്തത് .നേരത്തെ കുടുംബ സന്ദര്‍ശക വിസ ലഭിക്കുന്നതിനു ആവശ്യമായ കുറഞ്ഞ ശമ്ബള പരിധി ഉള്‍പ്പടെയുള്ള നിബന്ധനകള്‍ക്ക് വിധേയമായികൊണ്ടായിരിക്കും ഇത്തരം വിസ അനുവദിക്കുക എന്നും റിപ്പോര്‍ട്ടില്‍ പറയുന്നു.

കൊവിഡിന് മുമ്ബ് ഭാര്യ കുട്ടികള്‍ എന്നീ കുടുംബങ്ങളെ സന്ദര്‍ശകവിസയില്‍ കൊണ്ട് വരുന്നതിനു 250 ദിനാര്‍ ആയിരുന്നു കുറഞ്ഞ ശമ്ബളപരിധി നിശ്ചയിച്ചിരുന്നത്.ഇത് സംബന്ധിച്ചു രാജ്യത്തെ ആറു ഗവര്‍ണറേറ്റുകളിലുമുള്ള താമസകാര്യ വിഭാഗത്തിന്ന് നിര്‍ദേശം നല്‍കിയതായുംറിപ്പോര്‍ട്ടില്‍ വ്യക്തമാക്കുന്നു.

ഇതേതുടര്‍ന്ന് രാജ്യത്തെ ആറ് ഗവര്‍ണറേറ്റ്കളിലും പ്രവര്‍ത്തിക്കുന്ന താമസ രേഖ വിഭാഗം കാര്യാലയങ്ങളില്‍ വന്‍ തിരക്കാണ് അനുഭവപ്പെടുന്നത്. എന്നാല്‍ ഓരോ ഗവര്‍ണറെയും ഉദ്യോഗസ്ഥര്‍ വ്യത്യസ്ത വിവരങ്ങളാണ് അപേക്ഷകരെ അറിയിക്കുന്നത്. ചില ഗവര്‍ണറേറ്റ്കളില്‍ 16 വയസ്സിന് മുകളിലുള്ള കുട്ടികള്‍ക്ക് സന്ദര്‍ശക വിസ അനുവദിക്കുന്നതില്‍ നിയമപരമായ തടസ്സങ്ങള്‍ ഉണ്ടെന്ന് പറഞ്ഞാണ് അപേക്ഷകരെ തിരിച്ചയച്ചത്.

ചിലയിടങ്ങളില്‍ 16 വയസ്സിന് താഴെയുള്ള കുട്ടികളുടെയും അപേക്ഷ നിരസിച്ചു. ഇതോടെ വേനലവധിയോടനുബന്ധിച്ച് നാട്ടില്‍ നിന്ന് കുടുംബങ്ങളെ കൊണ്ടുപോകാന്‍ പദ്ധതിയിട്ടിരുന്ന പലരും ഇപ്പോള്‍ പ്രതിസന്ധിയിലായിരിക്കുകയാണ്.

അപേക്ഷകരുടെ കുറഞ്ഞ ശമ്പളപരിധി, കോവിഡ് വാക്‌സിനേഷന്‍ സര്‍ട്ടിഫിക്കറ്റ്, മുതലായ വിഷയങ്ങളില്‍ ഉദ്യോഗസ്ഥര്‍ക്ക് വ്യക്തമായ നിര്‍ദ്ദേശം ലഭിക്കാത്തതാണ് വിസ അനുവദിക്കാന്‍ വൈകുന്നതിന് കാരണമായി പറയുന്നത്. ഈ വിഷയങ്ങളിലെല്ലാം പരിഹാരം കണ്ടതിനുശേഷം മാത്രമേ, കുടുംബ സന്ദര്‍ശക വിസകള്‍ നല്‍കുന്നത് നടപ്പിലാക്കുക എന്നതാണ് മന്ത്രാലയത്തില്‍ നിന്നും ലഭിക്കുന്ന സൂചന.