അ​റ​ബി​ക്ക​ട​ലി​ല്‍ ന്യൂ​ന​മ​ര്‍​ദം രൂ​പ​പ്പെ​ടാ​ന്‍ സാ​ധ്യ​ത​യു​ള്ള​തി​നാ​ല്‍ ഒമാന്റെ വിവിധ ഗ​വ​ര്‍​ണ​റേ​റ്റു​ക​ളി​ല്‍ ക​ന​ത്ത മ​ഴ​ക്ക്​ സാ​ധ്യ​ത​യു​ണ്ടെ​ന്ന്​ സി​വി​ല്‍ ഏ​വി​യേ​ഷ​ന്‍ അ​തോ​റി​റ്റി അ​റി​യി​ച്ചു. ശ​നി​യാ​ഴ്ച മു​ത​ല്‍ തി​ങ്ക​ളാ​ഴ്ച​വ​രെ രാ​ജ്യ​ത്തെ വി​വി​ധ ഗ​വ​ര്‍​ണ​റേ​റ്റു​ക​ളി​ല്‍ ക​ന​ത്ത മ​ഴ​ പെയ്യാൻ സാധ്യതയുണ്ടെന്നാണ് പ്രവചനം.

മ​സ്‌​ക​ത്ത്​, തെ​ക്ക്​-​വ​ട​ക്ക്​ ശ​ര്‍​ഖി​യ, അ​ല്‍ വു​സ്ത, ദാ​ഖി​ലി​യ, തെ​ക്ക്​-​വ​ട​ക്ക്​ ബാ​ത്തി​ന, ബു​റൈ​മി, ദാ​ഹി​റ, മു​സ​ന്ദം ഗ​വ​ര്‍​ണ​റേ​റ്റു​ക​ള്‍, അ​ല്‍​ഹ​ജ​ര്‍ പ​ര്‍​വ​ത​ങ്ങ​ളി​ലും സ​മീ​പ​പ്ര​ദേ​ശ​ങ്ങ​ളു​മു​ള്‍​പ്പെ​ടെ ഒ​മാ​ന്‍റെ ഭൂ​രി​ഭാ​ഗം സ്ഥ​ല​ങ്ങ​ളി​ലും വ​രും​ ദി​വ​സ​ങ്ങ​ളി​ല്‍ മ​ഴ പെ​യ്​​തേ​ക്കും. ക​ന​ത്ത കാ​റ്റി​ന്‍റെ​യും ഇ​ടി​മിന്നലിന്റെ അ​ക​മ്പ​ടി​യോ​ടെ​യാ​യി​രി​ക്കും മ​ഴ കോ​രി​ച്ചൊ​രി​യു​ക.

വി​വി​ധ പ്ര​ദേ​ശ​ങ്ങ​ളി​ല 20മു​ത​ല്‍ 80 മീ.​മീ​റ്റ​ര്‍​വ​രെ മ​ഴ ല​ഭി​ച്ചേ​ക്കും. മ​ണി​ക്കൂ​റി​ല്‍ 30 മു​ത​ല്‍ 80 കി​ലോ​മീ​റ്റ​ര്‍ വേ​ഗ​ത്തി​ലാ​യി​രി​ക്കും കാ​റ്റി​ന്‍റെ വേ​ഗ​ത. പൊ​ടി​ക്കാ​റ്റ്​ ഉ​യ​രു​ന്ന​തി​നാ​ല്‍ ദൂ​ര​ക്കാ​ഴ്ച​യേ​യും ബാ​ധി​ച്ചേ​ക്കും. ക​ട​ല്‍ പ്ര​ക്ഷു​ബ്​​​ധ​മാ​കു​ന്ന​തി​നാ​ല്‍ ഒ​മാ​ന്‍റെ തീ​ര​പ്ര​ദേ​ശ​ങ്ങ​ളി​ല്‍ തി​ര​മാ​ല​ക​ള്‍ നാ​ലു​മീ​റ്റ​ര്‍ വ​രെ ഉ​യ​ര്‍​ന്നേ​ക്കു​മെ​ന്നും മു​ന്ന​റി​യി​പ്പി​ല്‍ പ​റ​യു​ന്നു.

നി​ല​വി​ല്‍ ഇ​ന്ത്യ​ന്‍ തീ​ര​പ്ര​ദേ​ശ​മാ​യ ഗു​ജ​റാ​ത്തി​ന് സ​മീ​പ​മാ​ണ് ന്യൂ​ന​മ​ര്‍​ദം രൂ​പ​പ്പെ​ട്ടു​കൊ​ണ്ടി​രി​ക്കു​ന്ന​ത്. ഇ​ത്​ വ​രും​ ദി​വ​സ​ങ്ങ​ളി​ല്‍ ഒ​മാ​ന്‍ ക​ട​ലി​ന്റെ പ​ടി​ഞ്ഞാ​റു ഭാ​ഗ​ത്തേ​ക്ക് നീ​ങ്ങു​ന്ന​തി​നാ​ല്‍ ഉ​ഷ്ണ​മേ​ഖ​ല ന്യൂ​ന​മ​ര്‍​ദ​മാ​യി മാ​റും. ഇ​തി​ന്‍റെ ആ​ഘാ​തം ഞാ​യ​റാ​ഴ്ച മു​ത​ല്‍ വി​വി​ധ ദി​വ​സ​ങ്ങ​ളി​ല്‍ ഒ​മാ​നെ ബാ​ധി​ച്ചേ​ക്കു​മെ​ന്നും മു​ന്ന​റി​യി​പ്പി​ല്‍ പ​റ​യു​ന്നു.

മു​ന്‍​ക​രു​ത​ലു​ക​ള്‍ എ​ടു​ക്ക​ണ​മെ​ന്നും വാ​ദി​ക​ള്‍ നി​റ​​ഞ്ഞൊ​ഴു​കാ​ന്‍ സാ​ധ്യ​ത​യു​ള്ള​തി​നാ​ല്‍ മു​റി​ച്ച്‌​ ക​ട​ക്ക​രു​തെ​ന്നും ക​ട​ലി​ല്‍ പോ​കു​ന്ന​വ​ര്‍ ജാ​ഗ്ര​ത പാ​ലി​ക്ക​ണ​മെ​ന്നും സി​വി​ല്‍ ഏ​വി​യേ​ഷ​ന്‍ അ​തോ​റി​റ്റി ആ​വ​ശ്യ​പ്പെ​ട്ടു. ക​ഴി​ഞ്ഞ​ദി​വ​സ​വും രാ​ജ്യ​ത്തി​ന്റെ വി​വി​ധ മേ​ഖ​ല​ക​ളി​ല്‍ മ​ഴ ല​ഭി​ച്ചു.

മ​ഹ്ദ, ദ​ങ്ക്, ബു​റൈ​മി, നി​സ്‌​വ, യ​ങ്ക​ല്‍, വാ​ദി ഇ​ജ്‌​റാ​ന്‍ തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് കൂ​ടു​ത​ല്‍ മ​ഴ ല​ഭി​ച്ച​ത്. കുറച്ചു ദിവസങ്ങളിലായി ഒമാനിലുണ്ടായ വെള്ളപ്പൊക്കത്തിലും അതിരൂക്ഷമായ കാലാവസ്ഥയിലും 16 പേര്‍ മരിച്ചതായും നാലു പേരെ കാണാതായതായുമാണ് റിപ്പോര്‍ട്ട്.

ദോഫാര്‍ ഗവര്‍ണറേറ്റില്‍ കാണാതായവര്‍ക്കായി തിരച്ചില്‍ തുടരുകയാണെന്നു സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റി അറിയിച്ചു. സലാലയിലെ അല്‍ മുഗ്സൈല്‍ ബീച്ചില്‍ തിരമാലകളില്‍ ഒലിച്ചുപോയ എട്ടംഗ കുടുംബത്തിലെ മൂന്നു പേരെ രക്ഷപ്പെടുത്തുകയും രണ്ടു പേരുടെ മൃതദേഹം കണ്ടെത്തുകയും ചെയ്തു.

ബാക്കി മൂന്നു പേര്‍ക്കായി തിരച്ചില്‍ തുടരുകയാണ്.കഴിഞ്ഞ അഞ്ച് ദിവസത്തിനിടെ 40 പേരെ രക്ഷപ്പെടുത്തിയിട്ടുമുണ്ടെന്ന് റോയല്‍ ഒമാന്‍ പൊലീസ് ഓപറേഷന്‍സ് ഡയറക്ടര്‍ ജനറല്‍ ബ്രി. ജനറല്‍ മുഹമ്മദ് ബിന്‍ നാസര്‍ അല്‍ കിന്തി പറഞ്ഞു.