ലൈസന്‍സ് ഇല്ലാതെ വാഹനമോടിച്ചതിനായിരുന്നു ഡെയ്റ്റണ്‍ സ്മിത്ത് എന്ന യുവതി പോലീസ് പിടിയിലായത്. എന്നാല്‍ യുവതിയുടെ പെരുമാറ്റത്തില്‍ സംശയം തോന്നിയ പോലീസ് ഉദ്യോഗസ്ഥര്‍ വാഹനം പരിശോധിച്ചു. നിരവധി തരത്തിലുള്ള ലഹരി വസ്തുക്കളാണു യുവതിയുടെ വാഹനത്തില്‍ നിന്നു പിടിച്ചെടുത്തത്.

കാര്യങ്ങള്‍ കൈവിട്ടു പോകുന്നതു കണ്ടതോടെ യുവതി ആകെ പരിഭ്രാന്തയായി. തുടര്‍ന്ന് തനിക്ക് ഉടന്‍ ശുചിമുറിയില്‍ പോകണം എന്നു ഇവര്‍ പോലീസിനോട് ആവശ്യപെട്ടു. എന്നാല്‍ പരിശോധന പൂര്‍ത്തിയാക്കിയ ശേഷം വിടാം എന്നു പോലീസ് അറിയിച്ചു.

തുടര്‍ന്ന് ഇവര്‍ പോലീസിനോടു തട്ടിക്കയറുകയും സംഭവസ്ഥലത്തു നിന്ന് ഓടി രക്ഷപെടാനും ശ്രമിച്ചു. പിന്നാലെ പോയ പോലീസുകാരനു നേരേ താക്കോല്‍ നീട്ടി. അദ്ദേഹം കൈ നീട്ടിയപ്പോള്‍ ആ കൈയില്‍ യുവതി കടിക്കുകയായിരുന്നു.

യുവതിയുടെ ആക്രമണത്തില്‍ പരിക്കേറ്റ ഉദ്യോഗസ്ഥനെ വൈദ്യപരിശോധനയ്ക്കു വിധയനാക്കി. തുടര്‍ന്നു യുവതിയേയും പരിശോധനയ്ക്ക് വിധയയാക്കി. ആദ്യം വിസമ്മതിച്ചു എങ്കിലും യുവതി സാവധാനം താന്‍ എച്ച് ഐ വി ബാധിതയാണെന്ന കാര്യം വെളിപ്പെടുത്തി. വൈദ്യപരിശോധനയില്‍ ഇതു തെളിയുകയും, ചെയ്തു.

ആക്രമണത്തിന് ഇരയായ ഉദ്യോഗസ്ഥന്‍ ആശുപത്രി വിട്ടു എങ്കിലും ഇദ്ദേഹത്തെക്കുറിച്ചുള്ള കൂടുതല്‍ വിരങ്ങള്‍ പുറത്തു വിട്ടിട്ടില്ല. യു.എസിലാണു സംഭവം.