എയര് ഇന്ത്യ ജീവനക്കാര് ബുഫേ ഭക്ഷണം പാത്രത്തിലാക്കി കൊണ്ടു പോവുന്നുവെന്ന് പരാതി
എയര് ഇന്ത്യ ജീവനക്കാര് ബുഫേ ഭക്ഷണം പാത്രത്തിലാക്കി കൊണ്ടുപോവുന്നുവെന്ന് പരാതി. ലണ്ടനിലെ ഒരു ഹോട്ടലാണ് പരാതി ഉന്നയിച്ചിരിക്കുന്നത്. ഇതേതുടര്ന്ന് എയര് ഇന്ത്യ ജീവനക്കാര്ക്ക് കര്ശന മുന്നറിയിപ്പ് നല്കി. ബുഫേ പൊതിഞ്ഞു കൊണ്ടുപോകാനുള്ളതല്ല എന്ന പേരില് ഇന് ഫ്ളൈറ്റ് സര്വീസ് ഡിപ്പാര്ട്ട്മെന്റ് അസിസ്റ്റന്റ് ജനറല് മാനേജരാണ് മുന്നറിയിപ്പുമായി വന്നിരിക്കുന്നത്. ഇത് തുടര്ന്നാല് ശക്തമായി നടപടിയായിരിക്കും സ്വീകരിക്കുകയെന്നും മുന്നറിയിപ്പില് വ്യക്തമാക്കുന്നു.
പതിനഞ്ച് മണിക്കൂറോളം നീളുന്ന യാത്രയ്ക്ക് ശേഷം എല്ലാവരും ക്ഷീണിതരായിരിക്കും. മുന്പ് രണ്ട് ദിവസം ലഭിച്ചിരുന്ന ഇടവേള 26 മണിക്കൂറായി കുറച്ചു. അതിനാല് അടുത്ത യാത്രയ്ക്ക് മുന്പ് വിശ്രമിക്കാന് ജീവനക്കാരില് കൂടുതല് പേരും ശ്രമിക്കും. ഇതിനിടയില് ഭക്ഷണം പിന്നീട് കഴിക്കാനായി ചിലര് എടുത്തു വച്ചേക്കാം. എല്ലാവരും അങ്ങനെ ചെയ്യാറില്ല. പരാതി ഉന്നയിച്ച ഹോട്ടലില് റൂം സര്വീസിന് പണം ഈടാക്കും. അതിനാല് ഭക്ഷണത്തിനായി റെസ്റ്റോറന്റില് ചെല്ലണം. ക്ഷീണം മൂലം അതിന് സാധിക്കില്ലെന്ന് ഒരു ജീവനക്കാരന് പറയുന്നു.
https://www.facebook.com/Malayalivartha