പോലീസിനെ കബളിപ്പിച്ച് മോഷ്ടിച്ച കാറില്‍ യുവതിയും കൂട്ടാളിയും മുങ്ങി; അപകടത്തിൽപ്പെട്ട കാറിൽ നിന്നും രക്ഷപ്പെട്ടോടിയപ്പോൾ പശുക്കൂട്ടം കൊടുത്തത് മുട്ടൻ പണി; വൈറലായി വീഡിയോ
അമേരിക്കയിൽ കാർ മോഷ്ടാക്കളെ കയ്യോടെ പിടികൂടിയത് പശുക്കളുടെ സഹായത്തോടെ. സംഭവം എന്താണെന്നല്ലേ ?....അമേരിക്കയിലെ ഫ്ളോറിഡയിൽ നിന്നും മോഷ്ടിച്ച കാറില്‍ രക്ഷപ്പെടുകയായിരുന്ന യുവതിയ്ക്കും യുവാവിനും വന്നെത്തിയ ദുരനുഭവം ഇപ്പോൾ സോഷ്യൽ മീഡിയയിൽ വൈറലാണ്.
മോഷണം നടന്ന സമയം തന്നെ കാറിന്റെ ഉടമ വിവരം പോലീസില്‍ അറിയിച്ചിരുന്നു. ഇതനുസരിച്ച് പോലീസ് ഇവരെ പിന്തുടര്‍ന്നെങ്കിലും പിടിക്കാനായിരുന്നില്ല. എന്നാല്‍ ഇവര്‍ സഞ്ചരിച്ച വാഹനം വഴിയില്‍ അപകടത്തില്‍പ്പെട്ടു. കൂടെയുണ്ടായിരുന്നയാള്‍ കാറിനുള്ളില്‍ നിന്നും പുറത്തുകടക്കുവാനാകാതെ കുടുങ്ങിയപ്പോള്‍ യുവതി സ്ഥലത്തു നിന്നും ഓടി രക്ഷപെടുകയായിരുന്നു.
ഇവര്‍ ഓടിയ സ്ഥലത്ത് കുറച്ചധികം പശുക്കള്‍ നിന്നിരുന്നു. യുവതിയെ കണ്ട മാത്രയില്‍ പരിഭ്രാന്തരായ പശുക്കള്‍ ഇവരുടെ പിന്നാലെ ഓടുകയായിരുന്നു. ഈ സമയം പിന്നാലെ എത്തിയ പോലീസ് കാറിനുള്ളില്‍ കുടുങ്ങിയ മോഷ്ടാവിനെ പിടികൂടി.
അതിനു ശേഷം ഹെലികോപ്റ്ററില്‍ നടത്തിയ തെരച്ചിലില്‍ ഈ യുവതിയെയും പിടികൂടുകയായിരുന്നു. പശുക്കള്‍ യുവതിയെ ഓടിക്കുന്നതിന്റെ ദൃശ്യങ്ങള്‍ സെമിനോള്‍ കൗണ്ടി ഷെരിഫ് ഓഫീസാണ് സോഷ്യല്‍മീഡിയയില്‍ പങ്കുവെച്ചത്.
വീഡിയോ കാണാം....
https://www.facebook.com/Malayalivartha
