ഡാനിയേല്‍ ഡെക്യൂവിന്റെ മരണവാര്‍ത്തയറിഞ്ഞ് കാമുകിമാര്‍ ഞെട്ടി. ഇരുപത്തിനാലാം വയസ്സില്‍ ഡെക്യൂ എയ്ഡ്‌സ് ബാധിച്ചാണ് മരിച്ചതെന്ന വാര്‍ത്തയാണ് അവരെ നടുക്കിയത്. ഇതോടെ, ശവസംസ്‌കാരച്ചടങ്ങില്‍ പങ്കെടുത്ത യുവതികള്‍ കൂട്ടക്കരച്ചിലായി. ഡെക്യൂവുമായി ബന്ധമുണ്ടായിരുന്ന നാല്‍പതോളം യുവതികള്‍ എച്ച്.ഐ.വി. റിസള്‍ട്ട് വരുന്നത് കാത്തിരിക്കുകയാണ് ഇപ്പോള്‍.കിഴക്കന്‍ റുമാനിയയിലെ ദോള്‍ജ് കൗണ്ടിയിലാണ് സംഭവം.
തന്റെ മകളുമായി ഡെക്യൂവിന് ബന്ധമുണ്ടെന്നറിഞ്ഞ ഡോക്ടര്‍ കോര്‍നല്‍ സ്റ്റാന്‍ഷ്യു ഇക്കാര്യം പുറത്തുവിട്ടത്. സുഖലോലുപനായി ജീവിച്ചിരുന്ന ഡെക്യൂവിന്റെ പെട്ടെന്നുള്ള മരണം സംശയം ശക്തമാക്കുകയും ചെയ്തു. പോസ്റ്റുമോര്‍ട്ടം റിപ്പോര്‍ട്ടില്‍ ഇക്കാര്യം സ്ഥിരീകരിച്ചതോടെ ആശങ്ക നടുക്കമായി മാറി.
ഡെക്യൂ എയ്ഡ്‌സ് ബാധിതനാണെന്ന വാര്‍ത്ത പുറത്തുവിട്ട ഡോക്ടര്‍ക്കെതിരെ നിയമനടപടി സ്വീകരിക്കുമെന്ന് അവന്റെ അമ്മ ഭീഷണിപ്പെടുത്തിയിരുന്നു. എന്നാല്‍, ഇക്കാര്യത്തില്‍ തനിക്കൊന്നും ചെയ്യാനില്ലെന്നായിരുന്നു ഡോക്ടറുടെ മറുപടി. ഡെക്യൂവിന്റെ മരണത്തിന് മുന്നെ അയാളുടെ സുഹൃത്തുക്കളില്‍ ചില പെണ്‍കുട്ടികള്‍ക്ക് ഇക്കാര്യം അറിയാമായിരുന്നുവെന്നും ഡോക്ടര്‍ പറയുന്നു. അതില്‍ രണ്ടുപേര്‍ എയ്ഡ്‌സ് ബാധിതരുമാണ്. ഏതായാലും നാല്‍പതോളം യുവതികള്‍ എച്ച്.ഐ.വി പരിശോധന കഴിഞ്ഞ് ഫലം കാത്തിരിക്കുകയാണിപ്പോള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha