പ്രേക്ഷകരുടെ പ്രിയങ്കരിയായ നടി കനകലത അന്തരിച്ചു.... പാര്ക്കിന്സണ്സും മറവിരോഗവും ബാധിച്ച് ചികിത്സയിലായിരുന്നു, മലയാളത്തിലും തമിഴിലുമായി 360ല് അധികം സിനിമകളില് വേഷമിട്ടിരുന്നു
പ്രേക്ഷകരുടെ പ്രിയങ്കരിയായ നടി കനകലത അന്തരിച്ചു.... പാര്ക്കിന്സണ്സും മറവിരോഗവും ബാധിച്ച് ചികിത്സയിലായിരുന്നു, മലയാളത്തിലും തമിഴിലുമായി 360ല് അധികം സിനിമകളില് വേഷമിട്ടിരുന്നു. ഏറ്റവും ഒടുവില് വേഷമിട്ടത് പൂക്കാലമെന്ന സിനിമയിലാണ്.
ചെറുതും വലുതുമായ നിരവധി ശ്രദ്ധേയ കഥാപാത്രങ്ങളിലൂടെ പ്രേക്ഷകരുടെ പ്രിയങ്കരിയായ നടിയാണ് കനകലത. ഓച്ചിറയില് പരമേശ്വരന് പിള്ളയുടെയും ചിന്നമ്മയുടെയും മകളായിട്ടാണ് ജനനം. നാടകത്തില് നിന്നാണ് വെള്ളിത്തിരയിലേക്ക് എത്തുന്നത്. ഒമ്പതാം ക്ലാസില് പഠിക്കുമ്പോഴാണ് ആദ്യമായി സിനിമയില് വേഷമിടുന്നത്. മലയാളത്തില് സഹനടിയായി കരുത്തുറ്റ നിരവധി കഥാപാത്രങ്ങളില് തിളങ്ങിയ കനകലത കോമഡി വേഷങ്ങളും അനായാസേന കൈകാര്യം ചെയ്തിരുന്നു. പി എ ബക്കറിന്റെ സംവിധാനത്തിലുള്ള ചിത്രമായ ഉണര്ത്തുപാട്ടിലൂടെയായിരുന്നു അരങ്ങേറ്റം.
എന്നാല് ഉണര്ത്തുപാട്ട് റിലീസായില്ല. ലെനിന് രാജേന്ദ്രന്റെ ചില്ല് എന്ന സിനിമയിലൂടെയാണ് പ്രേക്ഷകരുടെ ശ്രദ്ധയാകര്ഷിക്കുന്നത്. ആദ്യത്തെ കണ്മണി, കൗരവര്, രാജാവിന്റെ മകന്, ജാഗ്രത, അനിയത്തിപ്രാവ്, ആകാശഗംഗ, ഹരികൃഷ്!ണന്, വിദേശി നായര് സ്വദേശി നായര്, ഒരു യാത്രാമൊഴി, സഫടികം, കുസൃതിക്കാറ്റ്, മാനത്തെക്കൊട്ടാരം, ബന്ധുക്കള് ശത്രുക്കള്, അച്ഛന്റെ ആണ്മക്കള്, പകല്, അടുക്കള രഹസ്യം അങ്ങാടിപ്പാട്ട്, ദ ഗുഡ് ബോയ്!സ്, കിലുകില് പമ്പരം, കിഴക്കന് പത്രോസ് തുടങ്ങി നിരവധി ഹിറ്റ് സിനിമകളില് വേഷമിട്ടു.
തമിഴില് സ്!മാര്ട് ബോയ്സ്, ഇലൈ തുടങ്ങിയവയ്!ക്ക് പുറമേ കടവൂള് സാക്ഷി, എനക്കായി പിറന്തേന് എന്നിവയിലും വേഷമിട്ടു. പ്രമാണി, ഇന്ദുലേഖ, സ്വാതി തിരുന്നാള് തുടങ്ങിയവയാണ് പ്രധാന നാടകങ്ങള്. സിനിമയില് നിറസാന്നിദ്ധ്യമായി പ്രിയങ്കരിയായ നടി സീരീയലുകളായ പാലിയത്തച്ചന്, പ്രേയസി, സാഗരചരിതം, പകിട പകിട പമ്പരം, അഗ്നിസാക്ഷി, ജ്വാലയായി, വീണ്ടും ജ്വാലയായി, ദേവഗംഗ, പ്രണയം, ഗംഗ, തുലാഭാരം, സൂര്യപുത്രി, ഡ്രാക്കുള തുടങ്ങിയവയിലും വേഷമിട്ടിട്ടുണ്ട് .
https://www.facebook.com/Malayalivartha
