അന്ന് കുടുംബത്തിനായി നഷ്ടപ്പെടുത്തിയ അഞ്ജലിയുടെ സ്വപ്നങ്ങള്ക്കും കരിയറിനും മറ്റൊരു രീതിയില് ചിറക് നല്കി മകൾ സാറ തെണ്ടുല്ക്കര്; മകന് അച്ഛന്റെ പാതയില് ക്രിക്കറ്റ് കരിയറായി തെരഞ്ഞെടുത്തപ്പോൾ മകള് തന്റെ പാത തെരഞ്ഞെടുത്തതിന്റെ ആത്മസംതൃപ്തിയിൽ ഈ അമ്മ; ക്രിക്കറ്റ് ഇതിഹാസം സച്ചിന് തെണ്ടുല്ക്കറുടെ മകള് ഇനി ഡോക്ടര് സാറ
സച്ചിന്റെ ഭാര്യ അഞ്ജലി അന്ന് കുടുംബത്തിനായി നഷ്ടപ്പെടുത്തിയ സ്വപ്നങ്ങള്ക്കും കരിയറിനും മറ്റൊരു രീതിയില് ചിറക് നല്കിയിരിക്കുകയാണ് മകള് സാറ. ലണ്ടന് യൂണിവേഴ്സിറ്റി കോളജില് നിന്ന് മെഡിസിന് ബിരുദം പാസായിരിക്കുകയാണ് സാറ. സാറ ഇന്സ്റ്റഗ്രാമില് പങ്കുവെച്ച ബിരുദ ദാന ചടങ്ങിന്റെ ചിത്രങ്ങള് സമൂഹ മാധ്യമങ്ങളില് വൈറലായിരിക്കുകയാണ്. കറുത്ത ഗൗണും തൊപ്പിയും ധരിച്ച് മാതാപിതാക്കള്ക്കൊപ്പമുള്ള ചിത്രമാണ് സാറ പങ്കുവെച്ചിരിക്കുന്നത്. ഞാന് ചെയ്തത് എന്താണെന്ന് നിങ്ങള് കണ്ടോയെന്ന അടിക്കുറിപ്പോടെ സാറ പങ്ക് വെച്ച ചിത്രം നിമിഷങ്ങള് കൊണ്ടാണ് സമൂഹമാധ്യമങ്ങളില് വൈറലായത്.
ക്രിക്കറ്റ് ഇതിഹാസം സച്ചിന് തെണ്ടുല്ക്കറുടെ മകള് സാറ ഇനി ഡോക്ടര് സാറയാണ്. ഡോക്ടറായിരുന്ന അമ്മയുടെ പാതയാണ് സാറ തെരഞ്ഞെടുത്തിരിക്കുന്നത്. ലണ്ടന് യൂണിവേഴ്സിറ്റി കോളജില് പഠിക്കുന്നതിനു മുന്പ് മുംബൈയിലെ ധീരുഭായ് അംബാനി ഇന്റര്നാഷണല് സ്കൂളിലെ വിദ്യാര്ത്ഥിയായിരുന്നു സാറ. സച്ചിന് എന്ന പ്രതിഭാധനനായ ക്രിക്കറ്ററുടെ നേട്ടങ്ങള്ക്ക് പിന്നില് അഞ്ജലിയുടെ ആത്മസമര്പ്പണമായിരുന്നു. കുടുംബത്തിനായി ജോലി ഉപേക്ഷിച്ച സച്ചിന്റെ ഭാര്യ അഞ്ജലിക്ക് ഇത് സ്വപ്നം സഫലമായ നിമിഷങ്ങളാണ്.
മകള് തന്റെ പാത തെരഞ്ഞെടുത്തതിന്റെ ആത്മസംതൃപ്തിയിലാണ് ഈ അമ്മ. മകന് അര്ജുന് തെണ്ടുല്ക്കര് അച്ഛന്റെ പാതയില് ക്രിക്കറ്റാണ് കരിയറായി തെരഞ്ഞെടുത്തിരിക്കുന്നത്. ഇന്ത്യയുടെ അണ്ടര് 19 ടീമംഗമാണ് അര്ജുന്.
https://www.facebook.com/Malayalivartha