ഇംഗ്ലണ്ടിലെ ബ്രാഡ്‌ഫോര്‍ഡിലെ എമിലി ലാംബെര്‍ട്ടും, പോള്‍ പിയേഴ്‌സണും ഒന്നിച്ചൊരു രാത്രി പുറത്തു പോയിട്ട് ഒരു വര്‍ഷത്തോളമായല്ലോ എന്ന് ഈയിടെയാണ് ഓര്‍മ്മിച്ചത്. ഇരുപത്തിരണ്ടുകാരിയായ എമിലി തങ്ങളുടെ ആദ്യകുഞ്ഞിനെ ഗര്‍ഭം ധരിച്ചതു മുതല്‍ രാത്രിയാഘോഷങ്ങളൊക്കെ അവര്‍ നിര്‍ത്തിവച്ചിരിക്കുകയായിരുന്നു. ഇപ്പോള്‍ കുഞ്ഞിന് ആറാഴ്ച പ്രായമായ സ്ഥിതിക്ക് അവനേയും കൂട്ടി ഒന്ന് പുറത്തു പോയാലെന്താ എന്നാലോചിച്ചു. അങ്ങനെയാണ് കുഞ്ഞ് ജനിച്ചു കഴിഞ്ഞുള്ള ആദ്യത്തെ നൈറ്റ് ഔട്ടിന് അവര്‍ പോയത്.

പുലര്‍ച്ചെ മൂന്നരയോടെയാണ് അവര്‍ തിരിച്ചെത്തിയത്. നേരെ അവര്‍ ഉറക്കറയിലേക്കാണ് പോയത്. കുഞ്ഞിനെ അവരുടെ കിടയ്ക്കകരികിലുള്ള മോസസ് ബാസ്‌ക്കറ്റില്‍ സുരക്ഷിതമായി കിടത്തിയിട്ടാണ് ഉറങ്ങാന്‍ കിടന്നത്. അഞ്ചരയോടെ കുഞ്ഞിന്റെ കരച്ചില്‍ കേട്ടുണര്‍ന്ന പോള്‍ അവന് കുപ്പിപ്പാല്‍ കൊടുത്തതിനുശേഷം തന്റേയും എമിലിയുടെയും ഇടയില്‍ കുഞ്ഞിനെ കൊണ്ടു വന്ന് കിടത്തിയിട്ട് അയാളും ഉറങ്ങി.

എന്നാല്‍ നാലുമണിക്കൂറിനുശേഷം പോള്‍ ഉണര്‍ന്നപ്പോള്‍, മൂക്കിലൂടെ രക്തം ഒഴുകി, അബോധാവസ്ഥയില്‍ കുഞ്ഞ് കിടക്കുന്നതു കണ്ട് പെട്ടെന്ന് ആംബുലന്‍സ് വിളിച്ചു വരുത്തിയെങ്കിലും കുഞ്ഞ് മരിച്ചു പോയിരുന്നു. തുടര്‍പരിശോധനയില്‍ സഡന്‍ ഇന്‍ഫന്റ് ഡെത്ത് സിന്‍ഡ്രോം മൂലമാണ് മരണമെന്ന് മനസ്സിലായി. നവജാത ശിശുക്കള്‍ മറ്റു രോഗങ്ങളൊന്നും ഇല്ലാതിരിക്കവെ ഉറക്കത്തിനിടെ മരിച്ചു പോകുന്ന സാഹചര്യമാണിത്.

കുഞ്ഞുങ്ങളെ അധികം ചൂടില്ലാത്ത മുറിയില്‍ മലര്‍ത്തി കിടത്തി ഉറക്കുക., പുകയിലയുടെ പുകയില്‍ നിന്നും അകറ്റി സൂക്ഷിക്കുക എന്നിവയൊക്കെ ചെയ്യാന്‍ ശ്രദ്ധിച്ചാല്‍ ഇത് ഒഴിവാക്കാന്‍ കഴിയും. എമിലിയും പോളും ഓരോ ബിയര്‍ കഴിയ്ക്കുകയും, പുകവലിയ്ക്കുകയും ചെയ്തിരുന്നുവെന്നത് എസ്.ഐ.ഡി സാധ്യത വര്‍ദ്ധിപ്പിച്ചു എന്നാണ് കരുതുന്നത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha