ഇടിവെട്ടിയവെട്ടിയവനെ പാമ്പ് കടിച്ചു എന്ന പറയുന്നത് പോലെ സാമ്പത്തിക പ്രതിസന്ധിക്ക് ആത്മഹത്യയ്ക്ക് ശ്രമിച്ച യുവാവിന് 2.56 ലക്ഷം രൂപയുടെ ആശുപത്രി ബില്ല് . കൊല്ലം അഞ്ചല്‍ സ്വദേശിയായ അനിലിനാണ് മരണം പോലും തോല്‍പ്പിച്ച ദുരവസ്ഥ വന്നുചേര്‍ന്നിരിക്കുന്നത്. \'\' ഇതിലും ഭേദം മരിക്കുന്നതായിരുന്നു. ജീവിക്കാന്‍ നിവര്‍ത്തിയുണ്ടായിരുന്നെങ്കില്‍ ആത്മഹത്യയ്ക്ക് ശ്രമിക്കില്ലായിരുന്നു. പൈസയടക്കാതെ ആശുപത്രിയില്‍ നിന്ന് പുറത്തുപോവാന്‍ അനുവദിക്കില്ലന്ന വാശിയിലാണ് അശുപത്രി അധികൃതര്‍ പറയുന്നത്.
നിര്‍മ്മാണ തൊഴിലാളിയായ അനില്‍ ചെറിയൊരു സാമ്പത്തിക ബാധ്യതയുടെ പേരിലാണ് ആത്മഹത്യക്ക് ശ്രമിച്ചത്. ആത്മഹത്യാശ്രമത്തിനിടെ ഗുരുതരാവസ്ഥയിലായ അനിലിനെ തിരുവനന്തപുരത്തെ ഒരു സ്വകാര്യ ആശുപത്രിയില്‍ ആദ്യം പ്രവേശിപ്പിച്ചത്. ഇവിടെ മൂന്ന് ദിവസത്തെ ചികിത്സക്കായി 50,000 രൂപ ചെലവായി. പിന്നീട് മെഡിക്കല്‍ കോളജിലേക്ക് മാറ്റിയെങ്കിലും വെന്റിലേറ്റര്‍ സഹായം ഇല്ലാത്തതിനാല്‍ പട്ടത്തെ എസ്‌യുടി ആശുപത്രിയിലേക്ക് മാറ്റി.
ചികിത്സകഴിഞ്ഞ് ആശുപത്രിയധികൃതര്‍ നല്‍കിയ 2.56 ലക്ഷം ബില്ല് കണ്ട് ഞെട്ടാനല്ലാതെ അനിലിനും ഭാര്യയ്ക്കും മറ്റൊന്നും ചെയ്യാനാവില്ല. ഇത്രയും പണം ഉടനെങ്ങും ഉണ്ടാക്കാനാവില്ലെന്ന് ഇരുവരും ആശുപത്രി അധികൃതരെ അറിയിച്ചുവെങ്കിലും പണം നല്‍കാതെ വിട്ടയക്കില്ല എന്ന നിലപാടിലാണവര്‍. നിലവില്‍ മറ്റുരോഗികളുടെ കൂട്ടിരിപ്പുകാര്‍ നല്‍കുന്ന ഭക്ഷണമാണ് അനിലിന്റെയും ഭാര്യയുടെയും ജീവന്‍ നിലനിര്‍ത്തുന്നത്. ഒരിക്കല്‍ ജീവനൊടുക്കാന്‍ ശ്രമിച്ച ഈ യുവാവ് ആശുപത്രിയധികൃതരുടെ കടുംപിടുത്തത്തിനു മുന്നില്‍ പകച്ചു നില്‍ക്കുകയാണിപ്പോള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha