ചുംബിക്കുന്നത് ഒരു തെറ്റല്ല, പക്ഷേ കല്യാണ ദിവസം വരനെ വധുവിന്റെ മുന്നില്‍ വെച്ച് ചുംബിച്ചാലോ ? പിന്നെ പറയേണ്ടല്ലോ എന്ത് സംഭവിക്കുമെന്ന്. ഉത്തരേന്ത്യയില്‍ വരനെ സഹോദരന്റെ ഭാര്യ ചുംബിച്ചതിന്റെ പേരില്‍ ഒരു വിവാഹം അടിച്ചുപിരിഞ്ഞു. വിവാഹ വേദിയില്‍ വച്ച് സഹോദരന്റെ ഭാര്യ വരനെ വെറുതേ ചുംബിച്ചതാണ് വിവാഹം അലസിപ്പിരിയാന്‍ കാരണം. ചുംബനം കണ്ട വധുവിന്റെ വീട്ടുകാര്‍ വിവാഹം വേണ്ടെന്ന് വെക്കുകയായിരുന്നു.
സോഷ്യല്‍ മീഡിയയിലൂടെ പരിചയപ്പെട്ട് പ്രണയത്തിലായ യുവതിയുടെയും യുവാവിന്റെയും വിവാഹമാണ് ചുംബനത്തിന്റെ പേരില്‍ അലങ്കോലമായത്. വധുവും വരനും വിവാഹ വേദിയില്‍ വച്ച് പരസ്പ്പരം മാല അണിയിച്ചതിന് പിന്നാലെയാണ് സഹോദരന്റെ ഭാര്യ വരനെ ചുംബിച്ചുത്. വിവാഹിതനായതിന്റെ സന്തോഷമെന്ന രീതിയിലായിരുന്നു ചുംബനം. ചുംബിച്ചതിന് ശേഷം ഇരുവരും നൃത്തം ചെയ്തും വധുവിന്റെ വീട്ടുകാരെ പ്രകോപിപ്പിച്ചു.
സംഭവം കണ്ട വധുവിന്റെ വീട്ടിലെ കാരണവന്‍മാര്‍ മുറുമുറുപ്പ് തുടങ്ങി. ചുംബിച്ചതും നൃത്തം ചെയ്തതും ശരിയായില്ലന്നാരോപിച്ച് വധുവിന്റെ കുടുംബം രംഗത്ത് വന്നു. പിന്നെ ബഹളമായി. വധുവിന്റെയും വരന്റെയും കുടുംബങ്ങള്‍ മിനിറ്റുകള്‍ നീണ്ട തര്‍ക്കത്തിനൊടുവിലാണ് വിവാഹം ഉപേക്ഷിച്ചത്. ചുംബനവും നൃത്തവും ഇഷ്ടപ്പെടാത്ത വധുവിന്റെ വീട്ടുകാര്‍ വിവാഹത്തില്‍ നിന്ന് പിന്മാറുകയായിരുന്നു.
രണ്ട് ഭാഗത്ത് നിന്നുമുള്ള ബന്ധുക്കള്‍ പ്രശ്‌നം ഒത്തുതീര്‍പ്പാക്കാന്‍ ശ്രമിച്ചെങ്കിലും ഇരു വീട്ടുകാരും വഴങ്ങിയില്ല. ആ ചുംബനം വെറുമൊരു ചുംബനമല്ല, അതിന് പിന്നില്‍ മറ്റെന്തെങ്കിലുമൊക്കെ കാണുമെന്നായി വധുവിന്റെ വീട്ടുകാര്‍. ഇതോടെ തര്‍ക്കം രൂക്ഷമായി തല്ലിന്റെ വക്കിലെത്തി. വരനെ പുറത്തെ മുറിയില്‍ പൂട്ടിയിട്ട് മര്‍ദ്ദിച്ച ശേഷമാണ് വധുവിന്റെ വീട്ടുകാര്‍ മടങ്ങിയത്. അങ്ങനെ ഒരു ചുംബനത്തിന്റെ പേരില്‍ വിവാഹ ദിവസം തന്നെ ദമ്പതികള്‍ പിരിയേണ്ടിവന്നു. ഇതുകൊണ്ടെന്നും തീര്‍ന്നില്ല തര്‍ക്കം തീര്‍ന്ന് മടങ്ങിയ വധുവിന്റെ ബന്ധുക്കള്‍ വരനെ മുറിയില്‍ പൂട്ടിയിട്ട് തല്ലിയ ശേഷമാണ് പോയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha