ഡേറ്റിംഗ് സൈറ്റുകളെ കുറിച്ച് ഇക്കാലത്ത് ഏറെകുറെ എല്ലാവര്‍ക്കും അറിവുണ്ട്. എന്നാലും സണ്‍ഡേ മിറര്‍ പത്രത്തിന്റെ ഒരു സ്റ്റിങ് ഓപ്പറേഷനിലൂടെ അവര്‍ വെളിച്ചത്തു കൊണ്ടു വന്നിരിക്കുന്ന ഒരു വെബ്‌സൈറ്റിന്റെ പ്രവര്‍ത്തനങ്ങള്‍ ആരേയും ഞെട്ടിയ്ക്കുന്നതാണ്. ഫാമിലി4ലൈവ്.കോം എന്ന സൈറ്റിലും മറ്റേതൊരു ഡേറ്റിംഗ്, സൈറ്റിലുമെന്നപോലെ സ്ത്രീ പുരുഷന്‍മാര്‍ക്ക് പരസ്പരം പരിചയപ്പെടുവാനും കണ്ടുമുട്ടുവാനുമുള്ള വേദിയൊരുക്കുകയാണ് ചെയ്യുന്നത്. പക്ഷേ ഇതിലൂടെ പരിചയപ്പെട്ട് വിവാഹിതരാകാന്‍ ആഗ്രഹിക്കുന്നവരുടെ ഏറ്റവും പ്രാധാന ലക്ഷ്യം പെട്ടെന്ന് കുഞ്ഞുങ്ങളെ ജനിപ്പിക്കുക എന്നതാണ്.
തങ്ങള്‍ക്കുണ്ടാകുന്ന കുഞ്ഞുങ്ങളുമായി ലൈംഗിക ഇടപെടലുകള്‍ നടത്തുന്നതിനുവേണ്ടിയാണത്രേ പെട്ടെന്ന് കുഞ്ഞുങ്ങളുണ്ടാവാന്‍ ആഗ്രഹിക്കുന്നത്. കുട്ടികളുമായി ബന്ധം പുലര്‍ത്തുന്നതിന് താല്പര്യമുള്ളവര്‍ മാത്രമാണ്. ഈ സൈറ്റിലൂടെ ഡേറ്റിംഗിനെത്തുന്നത്. സണ്‍ഡേ മിറര്‍ പത്രത്തിന്റെ ഒരു വനിതാ റിപ്പോര്‍ട്ടറെയാണ് ഈ സൈറ്റിലൂടെ ഡേറ്റിംഗ് പങ്കാളിയെ കണ്ടെത്താന്‍ ആഗ്രഹിക്കുന്ന ആള്‍ എന്ന രീതിയില്‍ അയച്ചത്. വെസ്റ്റ് മിഡ്‌ലാന്‍ഡ്‌സില്‍ നിന്നുള്ള ഒരാളുമായി ചാറ്റ് ചെയ്യുവാന്‍ അവര്‍ക്ക് അവസരം ലഭിച്ചു. ആഴ്ചകള്‍ നീണ്ട ചാറ്റിംഗിനിടയില്‍ തന്റെ കുടുംബത്തിലെ ഒരു 13 കാരിയുമായുള്ള അയാളുടെ ബന്ധത്തെ കുറിച്ചും, യുഎസിലെ ഒരു അവധിക്കാല ക്യാമ്പില്‍ എത്തിയ കുട്ടികളില്‍ ചിലരെ അയാള്‍ ഉപയോഗിച്ചതിനെകുറിച്ചുമെല്ലാം അയാള്‍ വാചാലനായി.
വിവാഹിതനായാല്‍ കുഞ്ഞുണ്ടായിക്കഴിഞ്ഞ് ഒരു മൂന്നു നാലു വയസ്സു വരെയേ അയാള്‍ വെറുതെയിരിക്കാനുദ്ദേശിക്കുന്നുള്ളൂവത്രേ. ശാരീരിക ബന്ധത്തിന് അനുമതി നല്‍കിയതായി കരുതണമെങ്കില്‍ 16 വയസ്സ് കഴിഞ്ഞിരിക്കണമെന്നുള്ള നിയമങ്ങളെ അയാള്‍ പുച്ഛിച്ചു തള്ളി.
പ്രസ്തുത സൈറ്റിലൂടെ സ്വന്തം മക്കളുമായി അവിശുദ്ധ ബന്ധത്തിലേര്‍പ്പെടുന്ന ധാരാളം സ്ത്രീ പുരുഷന്മാരുടെ വിവരങ്ങള്‍ അയാള്‍ വെളിപ്പെടുത്തി. മറ്റു മൂന്നു നാലു പേരുമായും ചാറ്റ് ചെയ്യുവാന്‍ അവസരം ലഭിച്ച റിപ്പോര്‍ട്ടര്‍ അവരിലൊരാളോട്. തങ്ങള്‍ക്കുണ്ടാകുന്ന കുഞ്ഞുങ്ങളോട് ഇപ്രകാരം പെരുമാറാന്‍ എത്ര നാള്‍ കാത്തിരിക്കും എന്നു ചോദിച്ചപ്പോള്‍, ജനിക്കുമ്പോള്‍ മുതല്‍ തന്നെ അപ്രകാരം ഇടപെടുമെന്നായിരുന്നു ഞെട്ടിക്കുന്ന മറുപടി. ശേഖരിച്ച വിവരങ്ങള്‍ റിപ്പോര്‍ട്ടര്‍ സ്റ്റാഫോര്‍ഡ് ഷയര്‍ പോലീസിന് കൈമാറിയതോടെ ചിലരെ അറസ്റ്റു ചെയ്യുകയും, സൈറ്റിന്റെ പ്രവര്‍ത്തനങ്ങള്‍ നിരീക്ഷണത്തില്‍ ആക്കുകയും ചെയ്തിരിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha