വയറിനുള്ളില് ശസ്ത്രക്രിയാ കത്രിക കുടുങ്ങിയത് 12 വര്ഷം
കസഖിസ്ഥാനിലെ കാര്പ് പൊനോമര്യോവിന് ജീവന് ഭീഷണിയായ ഒരു രോഗമുണ്ടായത് 12 വര്ഷങ്ങള്ക്കുമുമ്പാണ്. അടിയന്തിരമായി ശസ്ത്രക്രിയ നടത്തിയില്ലെങ്കില് ജീവന് നഷ്ടപ്പെടുമെന്ന നിലയിലായിരുന്നതിനാല് പെട്ടെന്ന് ശസ്ത്രക്രിയ നടത്തി. അസുഖം ഭേദമായി വീട്ടിലെത്തിയെങ്കിലും പുതിയ ഒരസ്വസ്ഥത തുടങ്ങി.
വയര്നിറയെ ആഹാരം കഴിച്ചു കഴിഞ്ഞാല് ഉടന് വയറുവേദന തുടങ്ങും.
മരണത്തിന്റെ വക്കു വരെ എത്തിയശേഷം ചികിത്സയും ശസ്ത്രക്രിയയും കൊണ്ട് ജീവന് തിരിച്ചു കിട്ടിയതു തന്നെ ഭാഗ്യമെന്നു കരുതുന്ന കാര്പ് പിന്നെ, വയറുവേദനയ്ക്ക് ചികിത്സ തേടിയില്ല. വയറുവേദന എപ്പോഴുമില്ലല്ലോ, ആഹാരമെന്തെങ്കിലും കഴിച്ചു കഴിയുമ്പോള് മാത്രമേയുള്ളൂ അതങ്ങ് സഹിയ്ക്കാം എന്നു വിചാരിച്ചു. അങ്ങനെ നീണ്ട 12 വര്ഷങ്ങള് വയറുവേദനയുമായി ജീവിച്ചു. എന്നാല് ഒരു മാസത്തിനുമുമ്പ് കാര്പിന് വിശപ്പ് തീര്ത്തും ഇല്ലാതായി.
അയാളുടെ ശരീര ഭാരം വല്ലാതെ കുറയാന് തുടങ്ങിയതോടെ വീണ്ടും ആശുപത്രിയിലെത്തി. ശസ്ത്രക്രിയയ്ക്കുശേഷമാണ് വയറുവേദന തുടങ്ങിയതെന്ന് പറഞ്ഞപ്പോള് എക്സ്റേ എടുത്തു നോക്കാമെന്നായി ഡോക്ടര്മാര്. കാര്പിന്റെ എക്സ്റേ കണ്ട് ഡോക്ടര്മാര് ഞെട്ടിപ്പോയി. 20 സെന്റീമീറ്റര് നീളമുളള ഒരു ശസ്ത്രക്രിയാ കത്രികയായിരുന്നു അയാളുടെ വയറിനുള്ളില് ഉണ്ടായിരുന്നത്.
ചെറിയ സൂചികളോ പഞ്ഞികഷണമോ ഒക്കെ ശസ്ത്രക്രിയാവേളയില് ഉള്ളില്പെട്ടു പോവുന്നത് ശ്രദ്ധിക്കപ്പെടാതെ പോയേക്കാം എന്നാല് ഇത്രവലിപ്പമുള്ള ഒരു വസ്തു ശസ്ത്രക്രിയയ്ക്കിടെ നോട്ടപ്പിശകു കൊണ്ട് മനുഷ്യശരീരത്തിനുള്ളില് ഉപേക്ഷിക്കപ്പെടാനിടയായതും ഇത്ര ദീര്ഘനാള് ഗുരുതരമായ ആരോഗ്യപ്രശ്നങ്ങള് സൃഷ്ടിക്കാതിരുന്നതും ഡോക്ടര്മാരെ അതിശയിപ്പിക്കുന്നു. ഉടനെ തന്നെ മറ്റൊരു ശസ്ത്രക്രിയ നടത്തി കത്രിക പുറത്തെടുക്കാനിരിക്കുകയാണ് ഡോക്ടര്. നേരത്തെ ശസ്ത്രക്രിയ നടത്തിയ ഡോക്ടര് ജോലിയില് നിന്ന് വിരമിച്ചതിനുശേഷം മരിച്ചു പോകുകയും ചെയ്തു. ഏതായാലും ആശുപത്രിക്കെതിരെ കേസ് നടത്താനൊന്നും കാര്പിന് ഉദ്ദേശ്യമില്ല. എങ്ങനെയെങ്കിലും കത്രിക നീക്കം ചെയ്തു കിട്ടിയാല് മതിയെന്നാണ് അയാള് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha