നായ ഉടമസ്ഥനെ വെടിവെച്ചു
ഒരിക്കലും സാധ്യമല്ലാത്തത് സംഭവിച്ചു. ഒരു നായ തന്റെ ഉടമസ്ഥനെ വെടിവെച്ചു. പരുക്കേറ്റ ഉടമസ്ഥന് ആശുപത്രിയിലാണ്. ജോണ്സണ് കൗണ്ടിയില് റിച്ചാഡ് എല് ഫിപ്സ് എന്ന 46 കാരനാണ് വെടിയേറ്റത്.
തിരനിറച്ച് വെച്ചിരുന്ന തോക്കിലേക്ക് നായ ചാടിക്കയറിയതിനെ തുടര്ന്ന് ആകസ്മികമായി വെടി പൊട്ടുകയായിരുന്നു. പിക്ക്അപ്പ് ട്രക്കിന്റെ സ്നോചെയിന് നീക്കുന്നതിനിടയിലാണ് ഫിപ്സിന് വെടിയേറ്റത്. തിരനിറച്ച് ട്രക്കിലെ സീറ്റില് വെച്ചിരിക്കുകയായിരുന്ന തോക്കിന്റെ ട്രിഗറില് നായയുടെ കാല് പതിയുകയായിരുന്നു.
വണ്ടിക്കുള്ളില് അനക്കം കണ്ട് നായ ഓടിയതോ മുന്നോട്ട് ആഞ്ഞതോ ആയിരിക്കാമെന്നാണ് വിലയിരുത്തല്. ഫിപ്സിന്റെ ഇടതു കൈയ്ക്കാണ് പരിക്കേറ്റത്. ആഴത്തില് മുറിവേറ്റ ഇയാളെ ആംബുലന്സില് ഉടന് തന്നെ ഷെറിഡാന് മെമ്മോറിയല് ആശുപത്രിയില് പ്രവേശിപ്പിച്ചു. 42 വര്ഷത്തെ ഔദ്യോഗികജീവിതത്തിനിടയില് നായ ഒരാളെ വെടിവെച്ച കേസ് ഇതാദ്യമാണെന്ന് ജോണ്സണ് കൗണ്ടി ഷെരീഫ് സ്റ്റീവ് കോസിസെക്ക് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha