ചാണകത്തില്‍ നിന്നു സ്വര്‍ണം കിട്ടുന്നത് പ്രതീക്ഷിച്ച് ഒരു കുടുംബം !അലഞ്ഞു നടന്ന കാളയെ പിടിച്ചു വീടിനടുത്തുള്ള പറമ്പില്‍ കെട്ടിയിട്ട് ചാണകത്തിനായുള്ള കാത്തിരിപ്പ് തുടരുകയാണ് ആ വീട്ടുകാർ.... . ഒരേ സമയം ചിരിപ്പിക്കുകയും കരയിപ്പിക്കുകയും ചെയ്യുന്ന സംഭവം ഇങ്ങനെ

കാള ചാണകമിടുന്നതു നോക്കി കാളയുടെ അടുത്ത്തന്നെ കാത്തിരിക്കുകയാണ് ആ കുടുംബം. ആദ്യം കേള്‍ക്കുമ്പോള്‍ ചിരിവരുമെങ്കിലും സംഭവത്തിന്റെ സത്യാവസ്ഥ അറിയുമ്പോള്‍ കുടുംബത്തോടു സഹതാപമാണ് തോന്നുക.

ഹരിയാനയിലെ സിര്‍സയിലുള്ള ജനക് രാജിന്റെ കുടുംബത്തിനാണ് ഈ ഗതികേട് വന്നിരിക്കുന്നത് . ഇക്കഴിഞ്ഞ ഒക്ടോബര്‍ 19 ന് ജനക് രാജിന്റെ ഭാര്യയും മരുമകളും പച്ചക്കറി മുറിക്കുമ്പോൾ അവരുടെ 40 ഗ്രാം വരുന്ന സ്വര്‍ണാഭരണങ്ങള്‍ പച്ചക്കറി പാത്രത്തില്‍ അഴിച്ചുവെച്ചു.

ബാക്കി വന്ന പച്ചക്കറിക്കഷ്ണങ്ങൾ പാത്രത്തിലിട്ട് മാലിന്യക്കൂമ്പാരത്തില്‍ തള്ളി. എന്നാൽ പാത്രത്തിൽ വെച്ച സ്വർണം എടുക്കാൻ രണ്ടാളും മറന്നുപോയി... മാലിന്യക്കൂമ്പാരത്തില്‍ പച്ചക്കറി തിന്നാന്‍ എത്തിയ കാള പച്ചക്കറിക്കൊപ്പം സ്വര്‍ണവും അകത്താക്കി..കാള സ്വര്‍ണം വിഴുങ്ങുന്നതിന്റെ ദൃശ്യങ്ങള്‍ സിസിടിവിയില്‍ നിന്ന് ജനക് രാജ് പറയുന്നു.

പിന്നീട് കാളക്കുള്ള തിരച്ചിലായി.ഒടുവിൽ മൃഗഡോക്ടറുടെ സഹായത്തോടെ കാളയെ കണ്ടെത്തി പിടികൂടി വീടിനടുത്തുള്ള പറമ്പില്‍ കെട്ടിയിട്ടിരിക്കുകയാണ് . ഇപ്പോൾ ചാണകത്തിനായുള്ള കാത്തിരിപ്പിലാണ് കുടുംബം . സ്വര്‍ണം ചാണകത്തിലൂടെ പുറത്തുവരുമെന്ന പ്രതീക്ഷയില്‍ കാളക്ക് ഭക്ഷണം നല്‍കുകയാണ് വീട്ടുകാര്‍. സ്വര്‍ണം കിട്ടിയില്ലെങ്കില്‍ കാളയെ ഗോശാലയിലേക്ക് വിടുമെന്നാണ് ജനക്‌രാജ് പറയുന്നതെന്നു റിപ്പോര്‍ട്ട് ഉണ്ട്... എന്തായാലും കാളയ്ക്ക് ഇപ്പോള്‍ നല്ലകാലമാണ്. വിഐപി പരിഗണനയാണ് കിട്ടിക്കൊണ്ടിരിക്കുന്നത്. വയറു നിറച്ചു ഭക്ഷണവും....