ജീവിച്ചിരിക്കുന്നതിൽ ഏറ്റവും പ്രായം കൂടിയ ദമ്പതികളെന്ന നിലയിൽ ഗിന്നസ് ബുക്ക് ഓഫ് വേൾഡ് റെക്കോർഡ്‌സിൽ പേരെഴുതിച്ചേർത്തത് അമേരിക്കക്കാരായ ദമ്പതികൾ ... പ്രായം നൂറ് കടന്ന ദമ്പതികൾ പക്ഷെ ഗിന്നസ് ബുക്കിൽ ഇടം പിടിച്ചത് പ്രായം കൂടിയ ദമ്പതികളെന്ന നിലയിലാണ്.... ഇവരുടെ 80ാം വാർഷികം ആഘോഷിക്കാനിരിക്കുകയാണ്

അമേരിക്കക്കാരായ ജോൺ ഹെൻഡേഴ്‌സണ് 106 വയസ്സും ഭാര്യ ഷാർലെറ്റിന് 105 വയസ്സുമുണ്ട്.. ഹൂസ്റ്റണിലുള്ള ഈ ദമ്പതികൾ 1934ൽ യൂണിവേഴ്‌സിറ്റി ഓഫ് ടെക്‌സാസിൽ വിദ്യാർത്ഥികളായിരിക്കുമ്പോഴാണ് പ്രണയത്തിലായത്. വിവാഹം 1939ലായിരുന്നു. ഡിസംബർ 15 ന് 80ാം വർഷത്തിലേക്ക് കടക്കുകയാണ് ഇവരുടെ ഒരുമിച്ചുള്ള ജീവിതം.

2018ൽ ടെക്‌സാസിലെ ഏറ്റവും പ്രായം കൂടിയ ദമ്പതികൾ എന്ന നിലയിൽ ഇവരെ ആദരിച്ചിരുന്നു. പരസ്പര സ്‌നേഹം, ഐക്യം എന്നിവയാണ് ഇവരുടെ ആരോഗ്യത്തിന്റെ രഹസ്യമെന്നാണ് ഇവർ പറയുന്നത്