24 വര്ഷം കൊണ്ട് പ്രമുഖ സംഗീതജ്ഞന് ജിമ്മി പീഡിപ്പിച്ചത് 177 പേരെ: പീഡിപ്പിച്ചവരില് ഗര്ഭിണികള്, ക്യാന്സര് രോഗികള്, മൃതദേഹങ്ങളും
ഈ ലോകത്ത് പീഡനവാര്ത്തകള് കൂടുന്നതല്ലാതെ കുറയുന്നില്ല. പീഡിപ്പിക്കുന്നവരില് മുക്കാല് പേരും സെലിബ്രിറ്റികളാണ് എന്നതാണ് വാസ്തവം. അടുത്തിടെ പുറത്ത് വന്ന പ്രമുഖ ബ്രിട്ടീഷ് സംഗീതജ്ഞനായിരുന്ന ജിമ്മി സാവില്-ന്റെ വാര്ത്ത ആരേയും ഞെട്ടിക്കുന്നതാണ്.
41 ആശുപത്രികളിലായി നടന്ന ലൈംഗിക അതിക്രമങ്ങളുടെ വിവരങ്ങളാണ് പുറത്ത് വന്നിട്ടുള്ളത്. 41 എന്.എച്ച്.സി. ആശുപത്രികളിലായി അഞ്ചിനും എഴുപത്തിയഞ്ചിനും ഇടയില് പ്രായമുള്ള നിരവധി പേരെയാണ് ജിമ്മി പീഡിപ്പിച്ചിരിക്കുന്നതെന്നാണ് റിപ്പോര്ട്ടുകള് വ്യക്തമാക്കുന്നത്. 24 വര്ഷം കൊണ്ട് ഇയാള് പീഡിപ്പിച്ചത് 177 പേരേയാണ്.
ഇയാള് പീഡിപ്പിച്ചവരില് ക്യാന്സര് ബാധിച്ച കുഞ്ഞുങ്ങള്, എഴുന്നേല്ക്കാന് പറ്റാത്ത ഗര്ഭിണികള്, വയോധികര്, മൃതദേഹങ്ങള് എന്നിങ്ങനെ പലരും ഉള്പ്പെടുന്നു.ജിമ്മിയുടെ ഈ പീഡന സംഭവങ്ങള് ആശുപത്രി അധികൃതരുടെ ചെവിയില് എത്തിയിരുന്നെങ്കിലും അവര് പ്രതികരിക്കാതെ പോവുകയായിരുന്നു എന്നാണ് റിപ്പോര്ട്ടില് വെളിപ്പെടുത്തുന്നത്.
ജിമ്മിക്ക് സ്വന്തമായി സ്വകാര്യമുറിയും എപ്പോള് വേണമെങ്കിലും എല്ലാ വാര്ഡുകളിലും കയറാനുള്ള അനുവാദവും ജിമ്മിയ്ക്ക് ആശുപത്രി അധികൃതര് നല്കിയിരുന്നു. സ്റ്റോക് മന്ഡെവില് ഹോസ്പിറ്റലില് മാത്രം 60 രോഗികളെയാണ് ഇയാള് പീഡിപ്പിച്ചത്.
ലീഡ്സ് ജനറല് ഇന്ഫേമറിയിലെ മോര്ച്ചറിയില് വര്ഷങ്ങളോളം ഇദ്ദേഹം മൃതദേഹങ്ങളെ ലൈംഗികമായി ഉപയോഗപ്പെടുത്തിയിരുന്നെന്നും മൃതദേഹങ്ങളില് നിന്ന് കൃത്രിമ കണ്ണുകള് മോഷ്ടിച്ച് മെഡലുകളും വളകളും ഉണ്ടാക്കിയിരുന്നതായും റിപ്പോര്ട്ടില് പറയുന്നു. 44 അന്വേഷണ റിപ്പോര്ട്ടുകളാണ് ജിമ്മിയുടെ ക്രൂരകൃത്യങ്ങള് വെളിപ്പെടുത്തി കൊണ്ട് ഇപ്പോള് പുറത്തു വന്നിരിക്കുന്നത്.എന് എച്ച് എസ് ആശുപത്രികളിലൂടനീളം ജിമ്മി നടത്തിയ പീഡന സംഭവങ്ങള് എന് എച്ച് എസ് അധികൃതര് കണ്ടില്ലെന്ന് വയ്ക്കുകയായിരുന്നെന്നും റിപ്പോര്ട്ടില് പറയുന്നു. 2011 ഒക്ടോബര് 29 ന് ജിമ്മി മരിച്ചെങ്കിലും ജിമ്മിയെ പോലുള്ള പീഡകരുടെ ഭീഷണി ഇപ്പോഴും എന്എച്ച്എസിലെ രോഗികള്ക്ക് ആശങ്കയാണെന്ന് എന് എച്ച് എസ് അധികൃതര് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha